د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

د رسنيزو خبرتياوو خدمتونه

د پژواک د سوداګريزو اعلانونو خدمتونه

دګرځنده ټيلېفون اپلکېشېن

Daily Newsletter

Language
Sending Time (GMT / Kabul time)

د پکتيکا د کرنې رياست ته ګودام جوړ شو

د پکتيکا د کرنې رياست ته ګودام جوړ شو

Oct 02, 2011 - 16:18

ښرنه (پژواک ١٠ تله ٩٠): په ښرنه کې د ولايتي بيارغونې ډلې (پي. ار. ټي) په مالي مرسته د کرنې د رياست لپاره يو ګودام جوړ او ګټه اخيستنې ته وسپارل شو.د پکتيکا ولايت د کرنې د رياست رييس حميدالله توخي پژواک خبري اژانس ته وويل، چي دغه ګودام د ولايتي بيارغوني د انجنيري ګروپ له خوا د ١٨٨زره امريکا يي ډالرو په لګښت، په پاخه او اساسي ډول جوړ شوى دى .

نوموړي زياته کړه، دغه ګودام، چې د جوړولو چارې يې پنځه مياشتې مخکې پيل شوې وې، په ٨٠٠ متره مربع ځمکه کې جوړ شوى، اته متره لوړوالي او په يو وخت کي د ۵۰۰۰ ټنه غنمو د ځايولو وړتيا لري.

د ده په خبره، دوى له دې مخکې په خپل رياست کي د اصلاح شويو تخمونو او موادو لپاره کوم ګودام نه درلود، چي ډېر وخت به ياد مواد د زياتې ګرمۍ يا بارانونو له امله خرابېدل .

هغه پژواک ته وويل، چي دغه ګودام اوس هم د دوى لپاره بسنه نه کوي او دوى د کرنې او نشه يي توکو پر ضد له وزارتونو څخه د دوو نورو ګودامو د جوړولو غوښتنه هم کړې ده.

د پکتيکا د والي مرستيال جمعه محمد ځدراڼ د دغه ګودام پر جوړېدو خوښي وښوده او زياته يې کړه، چې له دې مخکې به له دغه ولايت سره شوې مرستې د ځاى د نشتوالي له امله نورو ولايتونو ته لېږل کېدې او يا به هم خرابېدې.

په ياد ولايت کې د ولايتي بيارغونې د ډلې د انجنيرۍ څانګې مشر هم په دې اړه پژواک ته وويل، چې دوى دغه ګودام په پکتيکا کې د کرنې د ودې په موخه جوړ کړى دى.

د هغه په خبره، دوى به راتلونکى هم د پکتيکا د کرنې له رياست او کروندګرو سره خپلې مرستې جاري وساتي؛ ځکه د دغه ولايت خلک کولاى شي، د کرنې او مالدارۍ له لارې خپل اقتصاد ته وده ورکړي.

دورستیو خبرونو، فیچرونو ، مرکو ، ویډیو او انځورونو ته دلاسرسي په موخه دپژواک خبري آژانس مبایل اپلکیشن په خپل ګرځنده ټیلفون کې ډانلوډ کړئ.

Advertisement