ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د پنځو زونونو د کرکټ کلبونو تر منځ سيالۍ ترسره شوې

د پنځو زونونو د کرکټ کلبونو تر منځ سيالۍ ترسره شوې

author avatar
2 Dec 2011 - 12:01
د پنځو زونونو د کرکټ کلبونو تر منځ سيالۍ ترسره شوې
author avatar
2 Dec 2011 - 12:01

کابل (پژواک ١١ ليندۍ٩٠): د هېواد د پنځو زونونو د کرکټ کلبونو تر منځ د يوې ورځنۍ کرکټ سياليو په ترڅ کې د امو او بند امير لوبډلو خپلو سيالانو ته په ماتې سره برياوې ترلاسه کړې.

 د افغانستان د کرکټ بورډ له خوا د ليندۍ په ١١مه پژواک خبري اژانس ته په رالېږل شوې خبرپاڼه کې ويل شوي، چې دغه سيالۍ د ليندۍ په ۶مه د ننګرهار ولايت د غازي امان الله خان په نړيوال او د مارکو په لوبغالو کې پيل شوې دي.

 خبرپاڼه زياتوي، چې د ليندۍ په ١٠مه، د دغو سياليو په پنځمه ورځ دوه لوبې ترسره شوې، چې لومړۍ يې د امو او سپين غر لوبډلو تر منځ وه.

 امو لوبډلې پچه وګټله او سپين غر ته يې د لوبې بلنه ورکړه.

 سرچينه کاږي، چې د سپين غر لوبډلې په ټاکل شويو ۴۰ اورونو کې د لسو لوبغاړو په سوځېدو ۱۸۲ منډې جوړې کړې او سيالې ډلې ته يې د۱۸۳ منډو هدف وټاکه.

 په خبرپاڼه کې ويل شوي، چې د امو لوبډلې ياد هدف په ډېرې اسانې سره، په ۲۲م اوور کې د پنځو لوبغاړو په سوځېدو ترلاسه او لوبه يې وګټله.

 خبرپاڼه کې زياته شوې، چې دويمه لوبه، تېره ورځ د مس عينک او بند امير لوبډلو تر منځ ترسره شوه.

 د خبر پاڼې د معلوماتو له مخې، پچه د بند امير لوبډلې وګټله او لومړی يې په خپله لوبه پيل کړه، چې په ۴۰ اورونو کې يې د لسو لوبغاړو په سوځېدو ۱۷۴ منډې جوړې کړې او مقابل لورې ته يې د ١٧٥ منډو هدف وټاکه.

 د مس عينک لوبډلې دغه هدف ترلاسه نه شو کړای او ټوله لوبډله يې په ۳۳م اوور کې پر ۱۱۰ منډو وسوځېده.

Visits: 0

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.