د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

د رسنيزو خبرتياوو خدمتونه

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په خوست کې د کابل بانک پر څانګه بريد کوونکى ووژل شو

په خوست کې د کابل بانک پر څانګه بريد کوونکى ووژل شو

Dec 21, 2011 - 10:32

خوست ښار(پژواک ٣٠ ليندۍ ٩٠) : په خوست ښار کې د کابل بانک پر څانګه د وسله وال بريد په ترڅ کې بريد کوونکى ووژل شو.

د خوست ولايت د امنيه قوماندانۍ وياند سمونوال زيارت ګل اژانس د ليندۍ په ٣٠ مه پژواک اژانس ته وويل، چې نن سهار په لسو بجو او ٢٠ دقيقو يوه وسله وال بريدکوونکي د کابل بانک پر ودانۍ بريد وکړ، خو پوليسو ډېر ژر له منځه يووړ.

د هغه په وينا، وسله وال تن غوښتل د کابل بانک پر ودانۍ او له همدغه ځايه د خوست پر امنيه قوماندانۍ بريد وکړي.

نوموړي وويل، چې په دې بريد کې پوليسو او د کابل بانک کارکوونکو ته زيان نه دى اوښتى او د بريد کوونکي جسد اوس (   ١١:١٥ ) هم د کابل بانک ودانۍ مخې ته پروت دى.

د زيارت ګل په وينا، دوى له مخکې راپور درلود، چې په خوست ښار کې يو شمېر وسله وال کسان د بريد نيت لري.

ده زياته کړه: ((موږ له مخکې راپور درلود او له همدې امله مو پوره تيارى ورته درلود، يو يې ووژل شو او د نورو په اړه په ښار کې پلټنې روانې دي.))

خو د خوست د ملکي روغتون مشر ډاکټر مجيد منګل پژواک اژانس ته وويل، چې د دوى روغتون ته د پېښې له سيمې يو ټپي راوړل شوى دى.

د هغه په وينا، ياد ټپي د کابل بانک ساتونکى دى او روغتيايي حالت يې ښه دى.

د يادونې ده، چې يو ځل مخکې هم په کابل بانک باندې وسله والو ډله ييز بريد کړى و، چې له امله يې د ياد بانک ودانۍ ته زيان اوښتى و.

دورستیو خبرونو، فیچرونو ، مرکو ، ویډیو او انځورونو ته دلاسرسي په موخه دپژواک خبري آژانس مبایل اپلکیشن په خپل ګرځنده ټیلفون کې ډانلوډ کړئ.

اعلانونه

Advertisement