د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

د رسنيزو خبرتياوو خدمتونه

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په جلال اباد کې د لاسي صنايعو نندارتون پرانيستل شو

په جلال اباد کې د لاسي صنايعو نندارتون پرانيستل شو

Jan 15, 2012 - 16:41

جلال اباد (پژواک ٢٥ مرغومى ٩٠): په جلال اباد ښار کې د امريکا د نړيوالې پرمختيايي ادارې په مالي مرسته د لاسي صنايعو نندارتون پرانيستل شو.

 دغه نندارتون چې د ننګرهار د سوداګرۍ خونې له خوا جوړ شوی او نن پرانيستل شو، په کې د دغه ولايت د بېلابېلو سيمو د نساجي جوړوونکو فابريکو له خوا د غاړې دسمالونه، پټوګان، ښځينه او نارينه دسمالونه او نور ډول ډول نخي توکي نندارې ته اېښودل شوي وو.

 د دغه ولايت د سوداګرۍ خونې اجرايوي مدير انجنير محمدقاسم يوسفي پژواک خبري اژانس ته وويل، چې د نندارتون له جوړولو يې موخه هېوادنيو توليداتوته د بازار موندنه او خلکو ته معلومات ورکول وو.

 هغه زياته کړه، چې نندارتون ته يې له ختيځ سربېره له کابل څخه هم يو شمېر سوداګر راغوښتي وو، تر څو هغوى وکولاى شي د بهر پر ځاى کورني توليدات ترلاسه کړي.

 په ختيځو ولايتونو کې د امريکا د متحدو ايالتونو د نړيوال پرمختيايي پروګرام د ايډيا نيو څانګې د خصوصي سکتور مسوول صفي الله پژواک ته وويل، چې په ننګرهار کې يې د دوه سوه زره ډالرو په ارزښت د نساجي د پروسس کولو د يوې سترې د ستګاه په کډون له شپاړس فابريکو سره د ماشينونو مرسته کړې ده.

 د نساجي توليدوونکو، چې په نندارتون يې خپل توليدات وړاندې کړي وو، له خپل کار څخه رضايت وښوداو ويل يې، چې د ايډيا نيو له لوري ورسره په تخنيکي برخه کې د پام وړ مرستې شوې دي.

 د حبيب الله په نوم د يوې فابريکې مسوول پژواک اژانس ته وويل، چې د دوى د کار پر وړاندې ستر خنډ د برېښنا نشتوالى دى.

د هغه په وينا، که چېرې دوى ته د برېښنا اسانتيا برابره او له بهره د دغو توکو په وارداتو بنديز ولګول شي، نو دوى به ډېره اقتصادي ګټه ترلاسه او په خپلو پښو به ودرېږي.

 د ننګرهار د سوداګرۍ خونې د معلوماتو له مخې، چې په ننګرهار کې ټولې اته ويشت وړې او غټې فابريکې شتون لري، چې په وينا يې، له ډلې يې ځينې د برېښنا د نشتوالي او نورو لاملونه له امله په ټپه ولاړې دي.

دورستیو خبرونو، فیچرونو ، مرکو ، ویډیو او انځورونو ته دلاسرسي په موخه دپژواک خبري آژانس مبایل اپلکیشن په خپل ګرځنده ټیلفون کې ډانلوډ کړئ.

اعلانونه

Advertisement