ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د سالنګ لويه لاره پرانېستل شوه

د سالنګ لويه لاره پرانېستل شوه

author avatar
23 Jan 2012 - 13:23
د سالنګ لويه لاره پرانېستل شوه
author avatar
23 Jan 2012 - 13:23

چاريکار (پژواک،٣سلواغه ٩٠): د سالنګ لويه لار، چې تېره شپه په سوېلي او شمالي سالنګ کې د زياتې واورې د اورېدو او شديد توپان له امله د ترافيکو پرمخ تړل شوې وه،نن سهار له دواړو لورو د مساپروړونکو موټرو پرمخ پرانېستل شوه.

 دا مطلب د سالنګونو د ساتنې او څارنې امر جنرال رجب د سلواغې په ٣مه پژواک ته بيان کړ.

  رجب زياته کړه،چې په سالنګونو کې د واورې اورېدل او توپان اوس نشته او د هغوى کارکوونکو وکولى شول،چې له لسو ساعتونو څخه وروسته د سالنګ لويه لاره پرانيزي.

 دا لويه لاره ، چې مرکز(کابل)له نهو شمالي او شمال ختيځو ولايتونو سره نښلوي،تېره شپه په شمالي او سوېلي سالنګونو کې د سختې واورې او طوپان له امله تړل شوې وه،خو نن سهار مهال د ترافيکو پرمخ پرانېستل شوه.

  د رجب په وينا، لسګونه مساپروړونکي موټر،چې د سالنګونو دواړه لورو ته ولاړ و،دمګړۍ د سالنګ له لويې لارې څخه د تېرېدو په حال کې دي.

 سرچېنې څرګنده کړه،چې ددې موټرو له تېرېدو وروسته به باروړونکو موټرو ته هم د تګ اجازه ورکړل شي.

 همدارنګه د جبل السراج ښارګوټي د ترافيکو مدير نعيم الله پژواک ته وويل،چې د جبل السراج ولسوالۍ د تاجيکانو په سېمه کې لسګونه موټر درول شوي و.

 د هغه په وينا، نن سهار په اوو بجو ټولو مساپروړونکو موټرو ته د تګ اجازه ورکړل شوه او ډير ژر به باروړونکو موټرو ته هم د تګ اجازه ورکړل شي.

  د ژمي په موسم کې په سالنګونو کې تل د توپانو او واورې د ښويېدو له امله ستونزې رامنځته کېږې،چې مرګ ژوبله هم له ځانه سره لري.

 د ١٣٨٨کال د سلواغې په ١٩مه په سوېلي سالنګ کې د واورې د ښويېدو او سختو توپانونو له امله شاوخوا ١٧٠تنه مړه او ١٢٥نور ټپيان شوي و.

 

 

Visits: 2

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.