د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د رسنيزو خبرتياوو خدمتونه

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

طالبانو په سعودي کې خبرې اترې رد کړې

د ارشيف عکس

دولت او سياست

طالبانو په سعودي کې خبرې اترې رد کړې

Feb 01, 2012 - 14:38

کابل ( پژواک ١٢ سلواغه ٩٠ ) : وسلوالو طالبانو په سعودي عربستان کې د افغانستان له حکومت سره خبرې اترې  رد کړې.

دوه ورځې مخکې ځينو غربي رسنيو دافغاني نامعلومو سرچينو په حواله خبر ورکړى و، چې د افغانستان حکومت غواړي له طالبانو سره په سعودي عربستان کې خبرې پيل کړي.

خو د افغانستان حکومت په رسمي توګه تر اوسه په دې اړه څه نه دي ويلي.

د وسلوالو طالبانو په ويب پاڼه کې د سلواغې په ١٢مه، يوه خبرپاڼه خپره شوې ، چې پکې په سعودي عربستان کې له افغان حکومت سره هر ډول خبرې اترې  رد شوې دي.

سرچينې زياته کړې :(( سعودي عربستان د حرمينو او د اسلام د نورو مقدسو مقاماتو مرکز دی او موږ د قدر په سترګه ورته ګورو، خو په رسنيو کې دغه خپور شوی راپور هېڅ حقيقت نه لري ، چې ګوندې د طالبانو پلاوى په نږدې راتلونکي کې دغلته له افغان حکومت سره خبرې کوي. ))

په خبرپاڼه کې راغلي، چې طالبان له نړيوالې ټولنې سره د افهام او تفهيم په بهير کې دي او له مقابل لوري (امريکا او متحدينو) سره يې د مذاکراتو مرحلې ته لا نه دي رسېدلي.

سرچينې زياته کړه : (( له مذاکراتو نه مخکې، بايد د اعتماد سازۍ مرحله بشپړه شي، چې هغه لا تراوسه نه ده پيل شوې .))

طالبانو په دې خبرپاڼه کې يو ځل بيا له رسنيو غوښتي، چې د ژورنالېزم اصولو ته په احترام سره اصلي حقايق خلکو ته وړاندې کړي.

پرون د افغانستان د حکومت د رسنيو د مرکز مشر حکيم عاشر ويلي و، چې حکومت له وسلوالو مخالفينو سره د خبرو په موخه د قطر له دفتر پرته د بلې مرجع په لټه کې نه دى، خو کېداى شي په نورو هېوادونو کې هم له طالبانو سره خبرې وشي.

هغه زياته کړې وه : ((اوس دا چې رسنۍ تبصره کوي، چې ګواکې د افغانستان حکومت په سعودي کې د مذاکراتو د پيل لپاره بله مجرا يا دويمه مجرا لټوي، دا په ټوليزه توګه غلطه ده، په سعودي کې موږ د مذاکراتو دويمه مجرا نه خلاصوو.))

د ده په وينا، دفتر به په قطر کې وي، خو د دې امکان شته، چې د سعودي په ګډون په نورو هېوادونو کې هم دغه خبرې دوام ومومي.

نښه: 

دورستیو خبرونو، فیچرونو ، مرکو ، ویډیو او انځورونو ته دلاسرسي په موخه دپژواک خبري آژانس مبایل اپلکیشن په خپل ګرځنده ټیلفون کې ډانلوډ کړئ.

اعلانونه

Advertisement