د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

د رسنيزو خبرتياوو خدمتونه

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

جاپان په ننګرهار کې ١٣ نوې پروژې پلې کوي

د آرشيف عکس

جاپان په ننګرهار کې ١٣ نوې پروژې پلې کوي

Feb 08, 2012 - 10:54

جلال اباد (پژواک ١٩ سلواغه ٩٠): په ننگرهار کې د جاپان په مرسته د پنځه مليونه امريکايي ډالرو په لګښت د رغاونې ١٣ پروژې پلې کېږي.

د والي وياند احمدضياء عبدالزي د سلواغې په ١٩مه پژواک خبري اژانس ته وويل، چې د دغو پروژو د پلې کولو تړون نن د والي ګل اغا شېرزي او د جاپان د نړۍ والو همکاريو د مؤسسې (جايکا) د استازي ترمنځ لاسليک شو.

د هغه په وينا، د دغه تړون له مخې به د دغه ولايت په سره رود او بهسودو ولسوالۍ کې د راستنو شوو کډوالو لپاره د سړکونو، ښوونځيو، روغتيايي مرکزونو، کوچنيو بندونو او کانالونو ١٣پروژې پيل شي.

هغه زياته کړه، د دې لپاره، چې ولايتي ادارې د جايکا موسسې د پروژو د لومړي پړاو لپاره ښه زمينه برابره کړې وه، دغه موسسه غواړي، چې د رغنيزو پروژو لمن نوره هم پراخه کړي.

د ځايي چارواکو د معلوماتو له مخې، د تېر کال په اوږدو کې د جايکا په مرسته د شپږ مليونه امريکايي ډالرو په لګښت په ننگرهار کې ١٩ پروژې پلې شوې وې.

د يادو ١٣پروژو د تړون د لاسليک پر مهال د جايکا موسسې يوه استازي اراهيتوشي ډاډ ورکړ، چې هېواد به يې په ننګرهار کې د رغنيزو پروژو دريم او څلورم پړاو هم پيل کړي.

د يو بل خبر له مخې، د ننګرهار مرستيال والي محمد حنيف ګرديوال پژواک ته وويل، چې د جاپان هېواد د اوبه خور او روغتيا موسسې (PMS) له لوري د دغه ولايت د کوز کونړ په ولسوالۍ کې د اوبو د يو سربند او کانال جوړونې چارې پيل شوې.

هغه زياته کړه، چې پر دغو دواړو پروژو به ٣ ميليونه امريکايي ډالر لګښت راشي، چې په ٣ کلونو کې به بشپړې او د ٢٠٠٧ کورنيو ٣٠٠٠ هکتاره ځمکې به خړوبې کړي.

نوموړي زياته کړه، چې استنادي دېوال به په پيل کې سربند ولري، د دريو دروازو درلودونکى به وي او هره دروازه به يې څلور متره لوړوالى او يو نيم متر سور ولري.

د هغه په وينا، کانال به يونيم کيلومتر اوږدوالى ولري او دواړو څنډو ته به يې سيمي جالۍ ورکړل شي، چې له ښويېدنې به خوندي وي.

د يادونې ده، چې جاپان هېواد په ننګرهار کې د شولې د ترويج ترڅنګ د اوبه خور او ښوونځيو ګڼې پروژې لري، خو دوه کاله وړاندې يې وسلوالو مخالفينو يو انجينر هم و واژه.

Tags: 

دورستیو خبرونو، فیچرونو ، مرکو ، ویډیو او انځورونو ته دلاسرسي په موخه دپژواک خبري آژانس مبایل اپلکیشن په خپل ګرځنده ټیلفون کې ډانلوډ کړئ.

اعلانونه

Advertisement