د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په پکتيا کې د ولادت له امله درې مېرمنې مړې شوې

د آرشيف عکس

روغتیا

په پکتيا کې د ولادت له امله درې مېرمنې مړې شوې

Feb 08, 2012 - 12:29

ګردېز (پژواک ١٩ سلواغه ۹۰): د پکتيا د زرمت او ګردې څېړۍ ولسوالۍ اوسېدونکي وايي، چې په کلينيکونو کې د قابلو د نشتوالي له امله په تېرو پنځو ورځو کې درې ميندې د زېږدون پر مهال مړې شوې دي.

د زرمت ولسوالۍ د سهاکو سيمې يوه اوسېدونکي محمدالله د سلواغې په ١٩مه پژواک خبري اژانس ته وويل، چې د سهاکو په کلينيک کې د قابلې د نه شتون له امله په يوه ورځ کې دوه ولادي ناروغانې مړې شوې دي.

نوموړي زياته کړه، دوه ورځې وړاندې دوه ښځې، چې يوه يې د سهاکو د پان کلي او بله هم د مديوالو کلي څخه دغه کلينيک ته ور وړل شوې وې، خو د ښځينه ډاکترې په نه شتون کې د زېږون پر مهال مړې شوې دي.

د ګردې څېړۍ يوه اوسېدونکي پسرلي ګل هم پژواک اژانس ته د ټيلېفون پر ليکه وويل، چې تېره ورځ د دې ولسوالۍ په کلينيک کې د قابلې د نشتوالي له امله يوې ولادي ناروغې ښار په لاره کې خپل ژوند له لاسه ورکړ.

د هغه په وينا، چې واورو د دوى د کليو لارې له ولسوالۍ سره تړل شوې او پر خپل وخت خپل ناروغان کلينيک او روغتون ته نه شي رسولای.

ده زياته کړه: ((په کلينيک کې ډاکتره نه وه، زموږ د يوه کليوال ښځه يې په موټر کې بازار ته وړه او په لاره کې مړه شوه.))

د پکتيا د احمدابا ولسوالۍ يوه اوسېدونکي اجمل پژواک ته په خبرو کې وويل، چې د ولسوالۍ په دوو کلينيکونو کې قابلې نشته.

نوموړی زياتوي، چې د سره ملنګ په کلينيک کې قابله نه شته او د مچلغو په سيمه کې، چې په تشکيل کې يې قابله شته، خو د ده په خبره، په دغو تېرو اوو ورځو کې يې لا هم حاضري نه ده ورکړې او کلينيک ته راوړل شوې ناروغانې د مرګ له ګواښ سره مخ دي.

هغه زياته کړه: ((زه چې څومره خبر يم، په مچلغو کې دوه ښځې د ولادت لپاره په واورو کې د ګردېز ښار ملکي روغتون ته د قابله ګانو د نشتوالي په وجه په ډېرې سختۍ راوړل شوې دي.))

د پکتيا د ولايتي شورا رييس ښايسته جان احدي هم وايي، چې د يادو دريو مېرمنو له مړينې څخه خبر شوى دى.

هغه زياته کړه، چې د سيمې خلکو دوى ته هم د قابله ګانو د نه شتون په اړه شکايتونه کړي دي.

خو د پکتيا د عامې روغتيا رييس خان اغا مياخېل د خلکو ادعاوې ردوي او وايي، چې په ټولو کلينيکونو کې قابله ګانې شتون لري او تر اوسه کومه ښځه د ولادت پر مهال نه ده مړه شوې.

هغه زياته کړه: ((کېداى شي کلينيک ته په لاره کومه مېرمنه مړه شوې وي.))

خو د عامې روغتيا رياست يوه کارکوونکي، چې د نوم له څرګندولو يې ډډه کوله، پژواک اژانس ته وويل، چې ډېر روغتيايي مرکزونه قابلې نه لري.

هغه زياته کړه، چې د ګردې څېړۍ، ځاځي اريوب، د زرمت د مموزيو، ارمه، د څمکنيو د لواړې، د احمدخېلو د موشکې، سيدخېلو، انډوام او قيمتۍ کلينيکونه قابلې نه لري.

د سرچينې په وينا، ښايي په نورو روغتيايي مرکزونو کې هم قابلې نه وي او نه سمه حاضري ورکوي.

په پکتيا کې په داسې حال کې د ولادت پر مهال د ميندو د مړينې راپور ورکړل شو، چې تېره مياشت د يو. اېس. اى. اې. ډي له خوا په يوه راپور کې ادعا شوې وه، چې په افغانستان کې د مور او ماشوم د مړينې کچه ټيټه شوې ده.

نښه: 

دورستیو خبرونو، فیچرونو ، مرکو ، ویډیو او انځورونو ته دلاسرسي په موخه دپژواک خبري آژانس مبایل اپلکیشن په خپل ګرځنده ټیلفون کې ډانلوډ کړئ.

اعلانونه

Advertisement