د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

د رسنيزو خبرتياوو خدمتونه

د پژواک د سوداګريزو اعلانونو خدمتونه

دګرځنده ټيلېفون اپلکېشېن

Daily Newsletter

Language
Sending Time (GMT / Kabul time)

په خوست ښار کې څه باندې ٣٠٠ دوکانونه وسوځېدل

په خوست ښار کې څه باندې ٣٠٠ دوکانونه وسوځېدل

Feb 10, 2012 - 11:40

خوست ښار ( پژواک دسلواغى ٢١مه ٩٠) : په خوست ښار کې د اور لګېدنې له امله شاوخوا درې سوه پنځوس دوکانونه سوځېدلي ، چې خلکو ته يې سلګونه ميليونه افغانۍ زيان اړولی دی.

د خوست امنيه قوماندان مل پاسوال سردار محمد ځاځي پژواک خبري اژانس ته وويل، چې دغه اور تېره شپه د درېيو بجو په شاوخوا کې د ښار په سوېل ختيځه څنډه کې د لرګيو په ټال کې لګېدلی او وروسته شاوخوا دوکانونو ته خپور شوی دی.

هغه وايي،چې د دوی اطفايو تر سهاره پورې اور کنټرول او مړ کړ او چا ته پکې ځاني زيان نه دى اوښتى.

نوموړي زياته کړه،چې د اور له امله څه باندې درې سوه دوکانونه سوځېدلي، خو دا چې خلکو ته څومره مالي زيان اوښتی، له پلټنو وروسته به معلوم شي.

قوماندان سردار محمد ځاځي وويل، چې د اورلګېدنې لامل تر اوسه نه دی معلوم ، خو په اړه يې پلټنې روانې دي.

د خوست ښار يوه اوسېدونکي ګل کريم پژواک ته وويل، سهار، چې کله دی راغی، خبر شو، چې دوکان يې د اور په پېښه کې په بشپړ ډول سوځېدلی او نړېدلی دی.

هغه وويل، چې په دوکان کې يې د شاوخوا پنځه سوه زره افغانيو په ارزښت سامان و، خو اوس ټول له منځه تللی دی.

نوموړي له امنيتي مسوولينو غوښتنه وکړه، چې د دې پېښې عاملين دې ونيسي او د قانون له مخې دې ورته سزا ورکړي.

دورستیو خبرونو، فیچرونو ، مرکو ، ویډیو او انځورونو ته دلاسرسي په موخه دپژواک خبري آژانس مبایل اپلکیشن په خپل ګرځنده ټیلفون کې ډانلوډ کړئ.

Advertisement