د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د يوې کورنۍ ٩ غړو ته مرګ ژوبله واوښته

د آرشيف عکس

پېښې

د يوې کورنۍ ٩ غړو ته مرګ ژوبله واوښته

Feb 12, 2012 - 12:41

مزارشريف (پژواک ٢٣ سلواغه ٩٠): د بلخ په مزارشريف ښار کې د يوه کور د چت لوېدو له امله پلار او زوى مړه، د ښځو او ماشومانو په ګډون اوه تنه نور ټپي شوي دي.

دغه پېښه تېره شپه د مزارشريف ښار اړوند سوېل لوري ته د بادام باغ په سيمه کې رامنځته شوې ده.

د دې سيمې يوه ملک حاجي نادر د سلواغې په ٢٣مه پژواک خبري اژانس ته وويل، چې له تېرو دوو ورځو راهيسې د سختو بارانونو له امله د ياد کور چت کمزورى او تېره شپه وغورځېد.

هغه زياته کړه، چې په دې پېښه کې پلار او يو زوى مړه شوي، درې ښځې او څلور ماشومان ټپي شوي دي.

د مزارشريف ښار د ملکي روغتون يوه ډاکټر محمدالله پژواک اژانس ته وويل، چې دوى ته اوه ټپيان ور وړل شوي او روغتيايي حالت يې ښه دى.

د احمد په نوم يوه اته کلن ټپي ماشوم په روغتون کې پژواک اژانس ته وويل، چې لومړۍ له چت څخه يوه خښته را ولوېده او څو شېبې وروسته ټول چت راپرېوت.

د بلخ ولايت د بېړنو پېښو د څارنې مسوول د پېښې د پخلي ترڅنګ پژواک اژانس ته وويل، چې په ياده سيمه کې له نورو ولايتونو څخه راغلې ٢٧٠ کورنۍ اوسېږي.

هغه زياته کړه، چې دغه کورونه خامه دي او د بارانونو له امله يې د چتونو د لوېدو ګواښ ډېر شوى دى.

دورستیو خبرونو، فیچرونو ، مرکو ، ویډیو او انځورونو ته دلاسرسي په موخه دپژواک خبري آژانس مبایل اپلکیشن په خپل ګرځنده ټیلفون کې ډانلوډ کړئ.

اعلانونه

Advertisement