ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په خيبر پښتونخوا کې اتلس تنه ووژل شول

په خيبر پښتونخوا کې اتلس تنه ووژل شول

author avatar
28 Feb 2012 - 15:18
په خيبر پښتونخوا کې اتلس تنه ووژل شول
author avatar
28 Feb 2012 - 15:18

اسلام اباد (پژواک ٩ کب ٩٠): د پاکستان د خيبر پښتونخوا ايالت په کوهستان سيمه کې ناپېژانده وسلوالو د سپرليو پر يوه موټر ډزې کړې او ١٨تنه يې وژلي دي.

د کوهستان د پوليسو مشر شېرمحمد د کب په ٩مه پژواک اژانس ته وويل، چې دا پېښه نن سهار د قراقرم پر لويه لاره د چلاس سيمې د هربن په ساحه کې رامنځته شوې ده.

هغه زياته کړه، چې ناپېژانده وسلوالو په ياده سيمه کې د سپرليو پر هغه موټر ډزې کړې، چې له راولپنډۍ څخه ګلګت ته پر لاره و.

د نوموړي په وينا، په دې پېښه کې ١٨ تنه وژل شوي او ٧ نور ټپي شوي، چې نږدې روغتون ته وړل شوي دي.

يوې بلې سرچينې، چې د نوم له څرګندولو يې ډډه کوله وويل، چې وسلوالو سپرلۍ له موټره ښکته کړې او بيا يې پرې ډزې کړې دي.

د نادرخان بټګرامي په نوم يوه ځايي خبريال پژواک اژانس ته وويل، چې په دې پېښه کې ٢٧ تنو ته مرګ ژوبله اوښتې او د يو شمېر ټپيانو روغتيايي حالت خراب دى.

د کوهستان د روغتون يوه ډاکتر ربنواز پژواک ته وويل، چې په ټپيانو او مړو کې ښځې او ماشومان هم شامل دي او د دوو ټپيانو روغتيايي حالت د اندېښنې وړ دى.

د دغه بريد مسووليت تر اوسه چا پر غاړه نه دى اخيستى.

 

Visits: 1

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.