ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د اردو پنځه سرتېري ووژل شول

د اردو پنځه سرتېري ووژل شول

author avatar
29 May 2012 - 14:21
د اردو پنځه سرتېري ووژل شول
author avatar
29 May 2012 - 14:21

کابل (پژواک ٩ غبرګولى ٩١): د ملي دفاع وزارت وايي، چې د هېواد په بېلابېلو سيمو کې د ملي اردو پنځه سرتېري وژل شوي او اوه نور ټپيان دي.

د ملي دفاع وزارت د مطبوعاتي دفتر له خوا د غبرګولي په ٩مه پژواک خبري اژانس ته په يوه رالېږل شوې خبرپاڼه کې ويل شوي، چې دغه مرګ ژوبله په تېرو ٢٤ ساعتونو کې د ملي اردو ځواکونو ته اوښتې ده.

سرچينې زياته کړې، چې د ماين چاودنو او د وسلوالو مخالفينو د بريدونو له امله د هرات په کشک کهنه ولسوالۍ کې د ملي اردو دوه سرتېري وژل شوي او اوه نور يې ټپيان دي.

دغه راز په خبرپاڼه کې راغلي، چې د ملي اردو درې نور سرتېري د پکتيکا د برمل ولسوالۍ اړوند سيمه کې وژل شوي دي.

د ملي دفاع وزارت د ټپي سرتېرو د روغتيايي حالت په اړه څه نه دي ويلي.

ياد وزارت دغه راز ويلي، چې د ملي اردو ځواکونو د دندو پر مهال په بېلابېلو سيمو کې ګڼ شمېر وسلې، مهمات او نشه يي توکي هم ترلاسه کړي دي.

 

Visits: 1

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.