کابل(پژواک، ٧ تله٩١):ايساف ځواکونه وايي، چې ددوى يوې ګزمې تېره ورځ د کندهار په پنجوايي ولسوالۍ کې، درې يرغمل شوي افغانان د طالبانو له منګولو وژغورل.
دايساف د مطبوعاتي دفتر لخوا نن په خپره شوې خپرپاڼه کې راغلي ،چې ددې ځواکونو يوې عملياتي قطعې، ځينې وسلوال وليدل، چې پر درېيو کسانو يې سترګې تړلې وې او د يوه تراکتور په وسيله يې د يوه کلي پر لور بيول.
خبرپاڼه وايي، چې کله ددې ځواکونو ګزمې ياد شوى تراکتور ودراوه، نو په همدې حال کې وسلوالو تېښته وکړه.
د سرچينې د معلوماتو له مخې، ايساف ځواکونو ياد شوي درې تنه خوشې او درې تنه يې ددې کسانو د نيولو په تور ونيول، وروسته څرګنده شوه ، چې نيول شوي کسان طالبان دي.
ايساف وايي ،چې خوشې شوي کسان تر يوې اونۍ له طالبانو سره په بند کې وو.
سرچينې د خوشې شويو کسانو د پېژندګلوۍ په اړه نور جزييات نه دي ورکړي.
Visits: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن