کابل ( پژواک ١٤ کب ٩١ ) : د ناټو سازمان سرمنشي انډرس فوغ راسموسن په يوه نا اعلان شوي سفر نن سهار کابل ته را رسېدلى دى.
د بلجيم په پلازمېنه بروکسل کې د ناټو سازمان له مقر څخه د کب په ١٤مه، په يوه خپره شوې خبرپاڼه کې راغلي، چې راسموسن به په کابل کې د ولسمشر حامد کرزي په ګډون ګڼ شمېر افغان چارواکو سره خبرې کوي.
دغه راز سرچينې زياته کړې، چې نوموړى به د افغانستان د مدني ټولنو له استازو او ځينو نورو کسانو سره هم په بېلا بېلو موضوعاتو خبرې وکړي.
که څه هم په خبرپاڼه کې د هغه د سفر په اړه نور جزئيات نه دي ورکړل شوي، خو په کابل کې ناټو ته نږدې سرچينې وايي، چې راسموسن به افغان چارواکو سره د امنيت دلېږد پروسې، د ناټو نوي ماموريت او د راتلونکو ولسمشريزو ټاکنو په اړه به خبرې وکړي.
ديادونې ده ، چې پنځه مياشتې مخکې هم راسموسن کابل ته راغلى و.
Visits: 4
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن