ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په ترافيکي پېښو کې ٢٦ تنه ټپيان شول

author avatar
23 Mar 2013 - 20:02
author avatar
23 Mar 2013 - 20:02

جلال اباد (پژواک ٣ ورى ٩٢): د کابل- جلال اباد په لويه لاره په څلورو بېلابېلو ترافيکي پېښو کې ٢٦ تنه ټپيان شوي دي.

د سروبي امنيه قوماندان سمونمل شاغاسي د وري په ٣مه، پژواک خبري اژانس ته وويل، چې نن د کابل جلال اباد په لويه لاره په بېلا بېلو سيمو کې څلور ترافيکي پېښې رامنځ ته شوې دي.

ده زياته کړه، په دغو پېښو کې ٢٦ تنه ټپيان شوي، چې د سروبي او لغمان روغتونو ته لېږدول شوي او د ځينو روغتيايي يې حالت د اندېښنې وړ دى.

د لغمان د ملکي روغتون يوه ډاکټر عطامحمد ميازاده پژواک ته وويل، چې د سپرليو يو سراچه ډول موټر د سروبي له پول سره څېرمه سيند لوېدلى، چې ٦تنه په کي ټپيان شوي دي.

دى وايي، بله پېښه د وريښمين تنګي په سيمه کې شوې، چې يو کرولا له مرسيډيز موټر سره ټکر شوى او ١٢تنه په کې ټپيان شوي دي.

نوموړى وايي، د نغلو په سيمه کې له غره سره د مرسيډيز موټر د ټکر له امله هم ٥تنه ټپيان شوي دي.

د سرچينې د معلوماتو له مخې، دغه راز د سروبي په سيمه کې د يوه کرولا ډول موټر د چپه کېدو له امله ٣تنه ټپيان شوي دي.

ميازاده وايي، په ټپيانو کې ښځې او ماشومان هم شامل دي او په وينا يې د ځينو ټپيانو روغتيايي حالت د اندېښنې وړ دى.

د سروبي امنيه قوماندان شاغاسى د دغو پېښو د رامنځ ته کېدو لامل زيات ورښت او د موټرچلوونکو بې احتياطي وبلله.

نوموړي زياته کړه، د کابل-جلال اباد لويه لاره خطرناکه ده، نو موترچلوونکو ته په کار دي، چې پر دغې لاره د تلو پرمهال له زيات احتياطه کار واخلي.

Visits: 0

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.