ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په فارياب کې درې وسله وال طالبان وژل شوي

په فارياب کې درې وسله وال طالبان وژل شوي

author avatar
13 Apr 2013 - 17:39
په فارياب کې درې وسله وال طالبان وژل شوي
author avatar
13 Apr 2013 - 17:39

ميمنه (پژواک، ٢٤ ورى ٩٢): د فارياب په خواجه سبزپوش ولسوالۍ کې درې وسله وال طالبان د خپل ماين په چاودنه کې وژل شوي دي.

د فارياب د امنيه قوماندانۍ وياند سيد مسعود يعقوبي پژواک خبري اژانس ته وويل، چې دا پېښه تېره شپه د خواجه سبزش په قوش کم سيمه کې رامنځ ته شوې ده.

ده زياته کړه، دې کسانو غوښتل چې په ياده لاره کې يو ماين ځاى په ځاى کړي، خو پرې چاودېد او درې واړه په کې ووژل شول.

دغه راز د امنيه قوماندانۍ وياند وايي، چې نن سهار په پښتونکوټ ولسوالۍ کې پوليسو درې وسله وال طالبان نيولي دي.

د ده په خبره، د ملا فيروز په مشرۍ د درېيو طالبانو نيول به په يادې ولسوالۍ کې د ناامنۍ پېښې راکمې کړي.

د پښتونکوټ ولسوال دغه خبره تاييد کړه او زياته يې کړه، چې دغه کسان د ولسوالۍ په سرخاب سيمه کې نيول شوي دي.

وسله والو طالبانو د پورتنيو دواړو پېښو په اړه تراوسه څه نه دي ويلي.

Visits: 0

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.