کابل (پژواک ١١ وږى ٩٢): د ملي امنيت موظفينو په کونړ ولايت کې د يوه ځانمرګي د نيولو خبر ورکړ.
په کابل کې د ملي امنيت لوى رياست له خوا د وږي په ١١مه پژواک خبري اژانس ته په يوه رالېږل شوې خبرپاڼه کې راغلي، چې دغه بريدګر د ملي امنيت موظفينو له خوا د کونړ په نرنګ ولسوالۍ کې نيول شوى دى.
سرچينې زياته کړې، چې بريد کوونکي غوښتل د نرنګ ولسوالۍ په بازار کې ځانمرګى بريد ترسره کړي، خو موخې ته تر رسېدو مخکې ونيول شو.
د ملي امنيت په خبرپاڼه کې راغلي، چې نيول شوي تن د پلټنو پر مهال پر خپل جرم اعتراف کړى او زياته کړې يې ده، چې په پاکستان کې يې د چاودنو او ځانمرګو بريدونو په برخه کې روزنه ليدلې ده.
وسله والو مخالفينو تر اوسه په دې اړه څه نه دي ويلي.
Visits: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن