ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د پاکستان د مشرانو جرګې پلاوى نن کابل ته راځي

author avatar
9 Sep 2013 - 12:05
author avatar
9 Sep 2013 - 12:05

کابل (پژواک ١٨ وږى ٩٢): د پاکستان د مشرانو جرګې د دفاعي کمېسيون يو پلاوى نن په رسمي سفر کابل ته راځي.

په کابل کې د پاکستان د سفارت مطبوعاتي اتشه اختر منير د وږي په ١٨مه پژواک خبري اژانس ته وويل، چې د مشرانو جرګې (سنا) دغه پلاوى نن له غرمې وروسته کابل ته راځي.

هغه زياته کړه، چې دغه پلاوى به د افغانستان د ملي شورا د غړو تر څنګ له يو شمېر نورو چارواکو سره هم ليدنې ولري.

بلخوا پاکستانۍ رسنيو خبر ورکړى، چې د دغه پلاوي مشر د مشرانو جرګې د دفاعي کمېسيون مشر مشاهد حسين کوي.

سرچينې زياته کړې، چې په دغه پلاوي کې سناتور اعتزاز احسن، فرحت الله بابر، افراسياب خټک، حاجي عديل، جهانګير بدر، مولانا محمد خان شېراني، بېګم نجمه او سحر کامران شامل دي.

ياد سناتوران د پاکستان له بېلابېلو سياسي ګوندونو سره تړاو لري. 

Visits: 0

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.