ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په خپلمنځي شخړه کې ١٠ پوليسو ته مرګ ژوبله واوښته

په خپلمنځي شخړه کې ١٠ پوليسو ته مرګ ژوبله واوښته

author avatar
18 Sep 2013 - 14:35
په خپلمنځي شخړه کې ١٠ پوليسو ته مرګ ژوبله واوښته
author avatar
18 Sep 2013 - 14:35

لښکرګا(پژواک٢٧وږى٩٢): دهلمند په خانشين ولسوالۍ کې دپوليسو په خپلمنځي شخړه کې د ولسوالۍ  د قوماندان په ګډون  لسو پوليسو ته مرګ ژوبله اوښتې ده.

د خانشين ولسوال حاجي انور خان د وږي په٢٧مه، پژواک خبري اژانس ته وويل ، چې نن تر غرمې مخکې ددې ولسوالۍ په امنيه قوماندانۍ کې د پوليسو ترمنځ خپلمنځي شخړه رامنځته شوې وه.

هغه زياته کړه ، چې په دې نښته کې درې پوليس وژل شوي او د ولسوالۍ دامنيه قوماندان په ګډون اوه نور پوليس  ټپيان شوي دي.

نوموړي وويل ، چې دپېښې انګيزه نه ده معلومه او په دې اړه يې پلټنې پيل کړې دي.

دده په خبره، چې د ولسوالۍ د پوليسو قوماندان رووف خان د شخړې پرمهال دپېښې ځاى ته ورغلى ، خو نوموړى هم په مرمۍ لګېدلى او ټپي شوى .

ولسوال وايي ، چې په وژل شويو پوليسو کې هم يوتن ديوې پوستې قوماندان و ، چې سردار محمد نومېده .

خو وسله والو طالبانو ويلي ، چې د دوى يوه نفوذي ملګري په امنيه قوماندانۍ کې پر پوليسو ډزې کړي، دوه قوماندانان او شپږ پوليس يې وژلي دي.

Visits: 3

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.