ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

منموهن سنګ: پاکستان د ترهګرۍ مرکز دى

منموهن سنګ: پاکستان د ترهګرۍ مرکز دى

author avatar
29 Sep 2013 - 10:20
منموهن سنګ: پاکستان د ترهګرۍ مرکز دى
author avatar
29 Sep 2013 - 10:20

واشنګټن (پژواک ٧ تله ٩٢): د هندوستان لومړي وزير منموهن سنګ ويلي، چې پاکستان د ترهګرۍ مرکز دى او زياتوي چې د دغه هېواد خاوره دې د هند پر ضد نه کارول کېږي.

د هند لومړي وزير دغه څرګندونې تېره شپه په نيويارک کې د ملګرو ملتونو د عمومي اسامبلۍ کلنۍ غونډې ته په خپله وينا کې کړې دي.

هغه زياته کړې، چې د هند او پاکستان د اړيکو د ښه والي لپاره بايد پاکستان خپله خاوره د هند پر ضد ترهګريزو فعاليتونو ته وقف نه کړي.

منموهن سنګ ويلي: ((که چېرې پاکستان غواړي  له هندوستان سره ښې اړيکې ولري، نو بايد دغه هېواد د ترهګرۍ مرکز نه وي.))

د هند لومړي وزير زياته کړې، چې غواړي له پاکستان سره د کشمير د مسئلې د هواري ترڅنګ پر ټولو موضوعاتو خبرې وکړې.

خو هغه دا هم وويل، چې کشمېر د هندوستان نه جلا کېدونکې برخه ده او هېواد به يې د خپل ملي حاکميت او ځمکنۍ بشپړتيا په اړه له چا سره هېڅ ډول معامله ونه کړي.

منموهن سنګ زياتوي، ترهګري د ټولې نړۍ د امنيت او ثبات لپاره يو ګواښ دى او له همدې امله ده، چې ګڼ شمېر بې ګناه خلک وژل کېږي.

د هغه په وينا، ټوله نړۍ بايدد ترهګرۍ پر ضد ګډه مبارزه وکړي.

سنګ په داسې حال کې د پاکستان پر ضد تندې خبرې کړې، چې ټاکل شوې نن په نيويارک کې د پاکستان له لومړي وزير ميا نواز شريف سره وګوري.

هغه ويلي، چې خلک دې له نوازشريف سره د ده د ليدنې په اړه ډېرې هيلې نه لري.

تر دې مخکې د امريکا له ولسمشر بارک اوباما سره د ليدنې پر مهال منموهن سنګ ويلي، چې د دوى په سيمه کې ټولې ستونزې د پاکستان له امله دي او دغه هېواد اوس هم د ترهګرۍ مرکز دى.

Visits: 0

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.