کابل (پژواک ١٣ تله ٩٢): ستوري پېژندونکي عبدالله کندهاري وړاندوينه کړې، چې د راتلونکې اونۍ د سه شنبې ورځ چې د تلې له ٢٣مې سره سمون لري، د لوى اختر لومړۍ ورځ ده.
هغه پژواک خبري اژانس ته وويل، چې سبا يکشنبه (د تلې مياشتې ١٤مه) د ذي الحجې مياشتې لومړۍ ورځ ده .
د ده په وينا ، نن شنبه د کابل په مهال د ماښام په ٥:٤١ بجو مياشت ليدل شوې ده.
نوموړي زياته کړه، عرفه به د راتلونکې اونۍ د دوشنبې په ورځ (د تلې په ٢٢مه) وي.
د يادونې وړ ده، چې د افغانستان ستره محکمه ډېرى مهال د روژې د نيولو او د اخترونو پرېکړه د سعودي عربستان د سترې محکمې له پرېکړې سره سم اعلانوي.
Visits: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن