کابل (پژواک، ٤ لړم ٩٢): د اولمپيک د ملي کمېټې مشرجنرال ظاهر اغبر له خپلې دندې استعفا ورکړه.
نوموړي نن ناوخته پژواک خبري اژانس سره په خبرو کې د خپلې استعفا لامل، د هېواد د ورزش په ليکو کې راټوکېدونکې نااعلان شوې جګړه وبلله.
ده زياته کړه: “د افغانستان د ورزش په ليکو کې يوه نااعلان شوې جګړه د راټوکېدو په حال کې ده او زه نه غواړم د ورزشي ټولنې دغه ستر افتخارات د خپلې شخصي ګټوې په خاطر قرباني کړم، نو ومې غوښتل د ورزشکارانو د سترو ګټو په وړاندې خپل ځان قرباني کړم او نن رسمًا خپله استعفا وړاندې کوم.”
خو هغه د يادې نااعلان شوې جګړې په اړه جزئيات ورنه کړل.
ډګر جنرال ظاهر اغبر ته د اولمپيک کمېټې چارې د ١٣٨٨ لمريز کال د تلې له مياشتې ورتر غاړه شوې وې.
ويل کېږي د اولمپيک ملي کمېټې مرستياله فرشته فرخ، اوسمهال د دې ادارې چارې پرمخ وړي.
Visits: 1
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن