ښرنه (پژواک ١٢ لړم ٩٢): چارواکي وايي، چې د پکتيکا د خيرکوټ ولسوالۍ په يوه جومات کې ماين چاودنې درې سيمه ييز پوليس وژلي او يو يې ټپي کړى دى.
د پکتيکا امنيه قوماندان مل پاسوال دولت خان ځدراڼ د لړم په ۱۲مه پژواک اژانس ته وويل، چې دغه پېښه تېره شپه د خيرکوټ ولسوالۍ د سې ګانې په کلي کې رامنځ ته شوې ده.
نوموړي زياته کړه، چاودنه هغه مهال رامنځته شوه ، چې ياد پوليس د ماخوستن لمانځه لپاره جومات ته په ننوتو وو.
د امنيه قوماندان په خبره، چې په چاودنه کې د درېيو پوليسو د وژل کېدو او يوه بل د ټپي کېدو تر څنګ جومات هم زيانمن شوى دى.
ځدراڼ په جوماتونو کې دا ډول کړنې جنايت وباله او عاملين يې د هېواد او دين دښمنان وبلل.
د يادې سيمې يوه اوسېدونکي خالد پژواک ته وويل، چې د تېرې شپې چاودنې درې سيمه ييز پوليس وژلي او يو بل يې ژوبل کړی دی.
تر دې مهاله د پېښې مسووليت چا پر غاړه نه دى اخيستى.
علي محمد نظري
Visits: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن