ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په پکتيکا کې چاودنې اووه ماشومان ووژل

په پکتيکا کې چاودنې اووه ماشومان ووژل

author avatar
18 Nov 2013 - 16:11
په پکتيکا کې چاودنې اووه ماشومان ووژل
author avatar
18 Nov 2013 - 16:11

ښرنه( پژواک،٢٧ لړم ٩٢):د پکتيکا چارواکي وايي، چې په خېرکوټ ولسوالۍ کې چاودنې اووه ماشومان وژلي او درې ټپيان شوي دي.

د پکتيکا د والي وياند مخلص افغان د لړم په ۲۷ مه،پژواک اژانس ته وويل، نن ماسپښين د۳ بجو په شاوخواکې د خېرکوټ ولسوالۍ د ملېزيو په سيمه کې پر ماشومانو د لوبو کولو پر مهال خښ شوی ماين چاودېدلی.

نوموړی وايي، په چاودنه کې اوه ماشومان وژل شوي او درې نور ټپيان دي، چې د درملنې په موخه روغتون ته لېږدول شوي دي.

افغان زياتوي، د ځينو ماشومانو ټپونه ژور دي، کېدای شي د وژل شويو شمېر نور هم لوړشي.

د والي وياند دغه پېښه  وغندله او دا يې د هېواد او سولې دښمنانو کار وباله.

 د يادې پېښې په اړه د دولت وسله والو مخالفينو څه نه دي ويلي.

له بلې خوا، ولسمشر حامد کرزي دا پېښه په کلکو ټکو غندلې ده.

د ولسمشرۍ له مطبوعاتي دفتر څخه پژواک خبري اژانس ته په رالېږل شوې خبرپاڼه کې راغلي، چې حامد کرزي د دغې غير انساني او ناځوانمرانه کړنې د غندنې ترڅنګ ويلي، چې د ملکي وګړو په ځانګړي ډول د ماشومانو وژل، نه بښونکى جنايت دى او په هېڅ دين او قانوني کې توجيه نه لري.

ده زياته کړې: “د افغانستان خلک به د طالبانو نه بښونکي جنايات هېڅکله له ياده ونه باسي او هغوى به د خپلو کړنو په اړه د افغانستان خلکو ته ځواب ويونکي وي.”

نوموړي د وژل شويو ماشومانو کورنيو ته د تسليت مراتب وړاندي کړي او ټپيانو ته يې د عاجلې روغتيا هيله ښودلې ده.

Visits: 0

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.