کابل (پژواک، د سلواغې لومړۍ نېټه ٩٢): په کندهار ولايت کې د يوې چاودنې له امله درې ملکي وګړي وژل شوي دي.
د کندهار ولايت د مطبوعاتي دفتر مسوول جاوېد فيصل د سلواغې په لومړۍ نېټه پژواک خبري اژانس ته وويل، چې دا چاودنه نن له غرمې مخکې د ميوند ولسوالۍ د دکوباز په سيمه کې شوې ده.
هغه زياته کړه، چې چاودنه د ملکي وګړو پر يوه سراچه موټر شوې، چې له امله يې د يوې ښځې په ګډون درې ملکي وګړي وژل شوي او يو تن ټپي دى.
دى وايي، چې پوليس سيمې ته رسېدلي، ټپي او مړي يې روغتون ته لېږدولي دي.
فيصل د دې چاودنې مسووليت پر وسله والو واچاوه، خو وسله والو بيا تر اوسه په دې اړه څه نه دي ويلي.
د يادونې ده، چې په کندهار کې يو ځل بيا د چاودنو او بريدونو لړۍ تنده شوې، پرون د دغه ولايت په ژېړۍ ولسوالۍ کې د بهرنيو ځواکونو پر پوځي اډې بريد شوى و، چې د چارواکو په وينا، ٩ بريد کوونکي، يو د ايساف سرتېرى او دوه ملکي وګړي ووژل شول.
Views: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن