ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

پاکستان: د افغان ټاکنو په ښې ترسره کېدو کې مرستې ته چمتو يو

پاکستان: د افغان ټاکنو په ښې ترسره کېدو کې مرستې ته چمتو يو

author avatar
23 Mar 2014 - 12:44
پاکستان: د افغان ټاکنو په ښې ترسره کېدو کې مرستې ته چمتو يو
author avatar
23 Mar 2014 - 12:44

اسلام اباد (پژواک ٣ ورى ٩٣): پاکستان وايي چې دوى له افغانستان سره د سوله ييزو ټاکنو په ترسره کولو کې مرستو ته چمتو دى.

دغه څرګندونې د پاکستان د ماليې وزير اسحاق ډار پرون په اسلام اباد کې د افغانستان له سفير جانان موسى زي سره د ليدنې پر مهال کړې دي.

د پاکستان دولتي راډيو خبر ورکړى، چې په دې ليدنه کې دواړو لورو پر دوه اړخيزو سياسي، سوداګريزو او فرهنګي اړيکو خبرې وکړې.

د سرچينې په وينا، د پاکستان د ماليې وزير اسحاق ډار په ډاګه کړه، چې دوى غواړي په يادو برخو کې اړيکې نورې هم پراخې شي.

نوموړي وويل، پر خپلو پښو ولاړ با ثبات افغانستان د دواړو هېوادونو په ګټه دى او باور يې ورکړ، چې هېواد به يې په افغانستان کې د سوله ييزو ټاکنو په ترسره کولو کې هرې ممکنې مرستې ته چمتو دي.

د افغانستان سفير جانان موسى زي په کابل کې د افغانستان او پاکستان تر منځ د اقتصادي کمېسيون د ګډې غونډې له وروستيو پرېکړو خبر ورکړ او په تفصيل يې پرې بحث وکړ.

نوموړي د افغانستان په بيارغونه کې د پاکستان له مرستې مننه وکړه.

Visits: 0

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.