ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د پکتيکا روغتون ته د وسايلو او امکاناتو د زياتولو غوښتنه وشوه

د پکتيکا روغتون ته د وسايلو او امکاناتو د زياتولو غوښتنه وشوه

author avatar
26 Mar 2014 - 11:51
د پکتيکا روغتون ته د وسايلو او امکاناتو د زياتولو غوښتنه وشوه
author avatar
26 Mar 2014 - 11:51

ښرنه (پژواک ٦ ورى ٩٣): د پکتيکا خلک او روغتيايي مسوولين وايي، چې د دغه ولايت د ملکي روغتون روغتيايي اسانتياوې او بسترونه دې ډېر شي.

د دغه روغتون رييس ډاکټر چنارګل صديقي له پژواک خبري اژانس سره په ځانګړې مرکه کې وويل، چې د ښرنې ملکي روغتون ته د پکتيکا پر شاوخوا يو ميليون وګړو سربېره د ځينو ګاونډيو ولايتونو ناروغان هم د در ملنې لپاره ورځي.

نوموړي زياته کړه، په پکتيکا کې کوم بل مجهز روغتون نشته، نو د ولسواليو ناروغان هم دغه روغتون ته ورځي.

ډاکټر چنارګل وويل:((د روغتون مراجعينو او ناروغانو ته په کتو سره بايد د ښرنې ملکي روغتون، چې اوس ۶۰ بستره لري،۵۰ بستره نور هم زيات شي.))

هغه د دې ترڅنګ وويل، اوس مهال د دغه روغتون د ناروغانو خونې د لرګيو پر بخاريو ګرمېږي او دغه کار د دې پر ځاى چې ناروغانو ته ګټه ورسوي، زيان پېښوي.

چنارګل وايي، له همدې امله هر کال د روغتون بستر خونې په ډېر لګښت رنګوي خو په ژمي کې يې بېرته د لوګيو له امله رنګ تور او خراب شي.

بلخوا د ډاکټرانو روغتيايي شورا مشر استاد شمس هم په روغتون کې د مرکزګرمي سيستم د فعالېدو او هم د روغتون د بسترونو زياتېدل ډېر اړين وبلل.

نوموړي پژواک ته وويل، کله چې د ناروغانو پوښتنه کوي، ډېرى ناروغان يې په روغتون کې د بخاريو او د خونو د نه ګرموالي له امله شکايت کوي.

هغه وويل: ((د عامې روغتيا وزارت تېر کال ژمنه وکړه، چې د پکتيکا د ملکي روغتون بسترونه به زيات کړي خو تر اوسه دغه کار نه دى شوى.))

د پکتيکا د ښرنې يوه اوسېدونکي محمدافضل پژواک ته وويل، چې د ښرنې ملکي روغتون ته د پکتيا او غزني له ځينو سيمو هم ناروغان ورځي خو د درمنلې پر مهال ناروغانو ته ژر نوبت نه رسېږي.

دى وايي: ((د روغتون بسترونه ډېر لږ دي او حکومت بايد دغه بسترونه ډېر کړي.))

د ښرنې شپېته بستريز ملکي روغتون ته اوس مهال په ملکي ناروغانو سربېره نظامي کسان هم د درملنې په موخه راوړل کېږي.

 

Visits: 0

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.