ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

فراه کې ۸ تنه د ټاکنيزو درغليو او سرغړونو په تړاو جريمه شول

فراه کې ۸ تنه د ټاکنيزو درغليو او سرغړونو په تړاو جريمه شول

author avatar
20 Apr 2014 - 10:52
فراه کې ۸ تنه د ټاکنيزو درغليو او سرغړونو په تړاو جريمه شول
author avatar
20 Apr 2014 - 10:52

فراه (پژواک ٣١ ورى ۹۳): فراه کې دوه امنيتي چارواکي او د ټاکنو د خپلواک کمېسيون شپږ ساحوي ناظمان  (DFC)په ټاکنو کې د درغلۍ او سرغړونې له امله نغدي جریمه شول.

دا څرګندونې په فراه کې د ټاکنیزو شکایتونو د کمېسيون مشر ډاکتر علي احمد نهضت یار، پژواک خبری اژانس ته وکړې.

هغه وويل چې په يادو کسانو کې د دغه ولايت د خاکسفيد او پشت کوه ولسواليو امنيه قوماندانان او په دې ولسواليو او د فراه په مرکز کې توظيف شوي شپږ د ټاکنو د خپلواک کمېسيون ساحوي ناظمان شامل دي.

ده د جريمې کچه څرګنده نه کړه خو په فراه کې د ټاکنيزو شکايتونو د ولايتي دفتر يوه کار کوونکي چې نه يې غوښتل نوم يې څرګند شي وويل، چې امنيه قوماندان هر يو ١٢٠٠٠ او ساحوي ناظمان هر يو ٣٠٠٠ افغانۍ جريمه شوي دي.

د نهضت يار په وينا، دغه کسان وروسته له هغه د ټاکنيزو شکايتونو د ولايتي دفتر له خوا جریمه شول چې پر هغوی په ټاکنو کې د درغلۍ او سرغوړونې لګول شوي تورونه ثابت شول.

ده د جزيياتو له ورکولو پرته وويل، چې له يادو امنيه قوماندانانو يو يې ځکه دوه ځلې جريمه شوى، چې په اړه يې په دوو بېلابېلو برخو کې شکايتونه ثبت شوي وو.

د ولسمشرۍ او ولايتي شوراګانو ټاکنې د وري په ١٦مه ترسره شوې.

په دې ټاکنو کې د شوو درغليو او سرغړونو په اړه په بېلابېلو ولايتونو کې شاوخوا ٣٥٠٠ شکايتونه ثبت شوي او تر څېړنو لاندې دي.

ټاکل شوې د ټاکنو لومړنۍ پايلې د غويي په ٤مه او وروستۍ پايلې يې د همدې مياشتې په ٢٤مه اعلان شي.

 

Visits: 0

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.