ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په ننګرهار لېسه کې زده کوونکو شخړه کړې

په ننګرهار لېسه کې زده کوونکو شخړه کړې

author avatar
23 Apr 2014 - 16:22
په ننګرهار لېسه کې زده کوونکو شخړه کړې
author avatar
23 Apr 2014 - 16:22

جلال اباد (پژواک ٣ غويى ٩٣): د ننګرهار د عالي لېسې د زده کوونکو تر منځ په نښته کې يو زده کوونکى سخت ټپي شوى دى.

د ننګرهار د پوهنې رياست مطبوعاتي مسوول محمداصف شينواري د غويي په ٣مه پژواک خبري اژانس ته وويل چې نن شاوخوا يوولس بجې د ننګرهار د عالي لېسې په انګړ کې د يو شمېر زده کوونکو تر منځ لومړى لفظي شخړه رامنځته شوه او وروسته په تاوتريخوالي واوښته.

نوموړى وايي، چې نښتې شاوخوا يو ساعت دوام وکړ چې د يوولسم ټولګي يو زده کوونکى د مقابلې ډلې له لوري پر چاقوګانو ووهل شو.

ده زياته کړه: ((د نښتې په دوران کې له پوليسو مرسته وغوښتل شوه او پوليس پر خپل وخت راورسېدل.))

دى وايي چې د نښتې له پاى ته رسېدو سره سم يو شمېر کسان پوليسو ونيول او ځيني يې په تېښه بريالي شول.

د شينواري په وينا چې له ټپي شوي زده کوونکي ډېره زياته وينه بهېدلې او دا مهال په روغتون کې تر درملنې لاندې دى.
د ننګرهار د سيمه ييز روغتون رييس ډاکتر همايون زهير پژواک اژانس ته وويل چې د پېښې له سيمې ورته يو زده کوونکى ور وړل شوى چې دا مهال يې روغتيايي حالت ډېر نازک دى.

د ننګرهار امنيه قوماندانۍ ياده پېښه تاييده کړې او زياته کړې يې ده چې يو شمېر زده کوونکي يې نيولي او په ځينو نورو پسې پلټنې روانې دي.

د يادونې ده، دا لومړى ځل نه دى له دې وړاندې هم په تجربوي ښوونځي کې د ښوونکي او زده کوونکي له اقاربو سره نښته رامنځته شوې وه.

Visits: 1

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.