غزني(پژواک، ۵ غويى ۹۳) چارواکي وايي، چې په غزني ولايت کې د يوې نښتې په ترڅ کې ۶ وسله وال وژل شوي ا پنځه نور ټپيان دي.
دغزني د والي وياند شفيق ننګ د غويي په ٥مه پژواک خبري اژانس ته وويل، نن سهار شپږ بجې وسله والو طالبانو دغزني اندړو ولسوالۍ دابراهيم خېلو په سيمه کې پر يوې امنيتې پوسته بريد وکړ او وروسته وسله واله نښته رامنځ ته شوه.
ننګ وايي، د نښتې پرمهال په سيمه کې نور ځايي پوليس هم د پېښې ځاى ته را ورسېدل او طالبان يې محاصره کړل.
د والي وياند په وينا، په دې نښته کې ، چې درې ساعته يې دوام وکړ،٦وسله وال ووژل شول او پنځه نور ټپيان شول.
هغه زياتوي، چې په دې نښته کې امنيتي ځواکونو ته مرګ ژوبله نه ده اوښتې، خو دده په وينا، د وژل شوو طالبانو مړي په سيمه کې پاتې دي
وسله والو طالبانو تراوسه په دې اړه څه نه دي ويلي.
ياده دې وې، چې تېره ورځ هم دغزني په اندړو ولسوالۍ کې د عملياتو او وسله والو نښتو په ترڅ کې د څو پاکستانيانو په ګډون له شلو زياتو وسله والوته مرګ ژوبله اوښتې وه.
Visits: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن