اسعداباد (پژواک ٣١ غويى ٩٣): په نورستان ولايت کې د بهرنيو ځواکونو بې پيلوټه بريد څلور وسله وال وژلي دي.
په کونړ کې د ٢٠١ سېلاب قول اردو د دريمې لوا وياند جګړن هارون يوسفزي د غويي په ٣١مه پژواک خبري اژانس ته وويل چې دغه بريد نن سهار وخته د کامدېش ولسوالۍ د ګوردېش په سيمه کې شوى دى.
هغه زياته کړه چې په بريد کې څلور وسله وال وژل شوي او دوه نور ژوبل دي.
طالب وياند ذبيح الله مجاهد بيا وايي چې په دغه بريد کې دوه طالبان وژل شوي او دوه نور ژوبل دي.
د يادونې ده، په دې وروستيو کې د کونړ او نورستان په يو شمېر سيمو کې د اېتلافي ځواکونو بې پيلوټه بريدونه شوي دي.
Visits: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن