درېيم تعقيب –کابل (پژواک ١٦غبرګولى ٩٣): ډاکټر عبدالله پر خپل ټيم نننى بريد چې درې ملګري يې په کې ووژل شول په کلکه وغانده او له حکومت څخه يې په دې برخه کې د جدي څېړنو غوښتنه وکړه .
يوه ځانمرګي بريدکوونکي د يوه موټر پر وسيله هغه مهال بريد وکړ ، چې کله ډاکټر عبدالله له يوې ټاکنيزې غونډې څخه چې ميرويس ميدان ته څېرمه په اريانا هوټل کې جوړه شوې وه د راوتلو په حال کې و .
د کورنيو چارو وزارت د معلوماتو له مخې ، په دې بريد کې شپږ ملکي وګړي وژل شوي او ٢٢نور ټپيان شوي دي.
ډاکټر عبدالله چې د ترکتبارانو له خوا دده په ملاتړ جوړه شوې غونډه کې يې خبرې کولې ، وويل چې په نننۍ بريد کې درې تنه ملګري يې وژل شوي دي.
ده دغه بريد د افغانستان د دښمنانو له خوا يوه دسيسه وبلله او ويې ويل چې د افغانستان دښمنان غواړي چې ددغه هېواد خلک په وير او ماتم کې وساتي.
عبدالله ته وويل ، چې کله له اريانا هوټل څخه د ډاکټر عبد الله او مرستيالانو د موټرو کاروان يې راووت ، ځانمرګى بريد پرې وشو د پژواک خبريال د پېښې له ځايه د عيني شاهدانو په قول وايي ، چې دغه بريد د ډاکټر عبدالله د موټرو پرکاروان شوى .
سرچينه وايي ، دغه بريد چې نن غرمه مهال وشو په کې يو شمېر موټر چې د عبدالله د ټيم اړوند و ويجاړ شوي دي .
د پژواک خبريال د پېښې له ځايه وايي ، چې يو ټوټه ټوټه جسد د پېښې په ځاى کې پروت دى او د پېښې ځاى امنيتي ځواکونو کلابند کړى دى.
د پېښې يوه عيني شاهد محمد اسحق پژواک.
ده زياته کړه چې په دې بريد کې يو شمېر کسانو ته مرګ ژوبله هم اوښتې ده .
تراوسه ددې بريد مسووليت چا پر غاړه نه دى اخيستى له امنيتي ارګانونو وغوښتل چې ددغې پېښې جدي څېړنه وکړي
Visits: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن