ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ننګرهار کې وسله والو د رايو پر ١٩ محلونو بريدونه کړي وو

ننګرهار کې وسله والو د رايو پر ١٩ محلونو بريدونه کړي وو

author avatar
14 Jun 2014 - 19:15
ننګرهار کې وسله والو د رايو پر ١٩ محلونو بريدونه کړي وو
author avatar
14 Jun 2014 - 19:15

جلال اباد (پژواک، ٢٤ غبرګولى ٩٣ ) : د ننګرهار چارواکي وايي، چې وسله والو مخالفينو په دې ولايت کې د رايو پر ١٩ محلونو بريدونه کړي وو، خو پروسه يې ګډه وډه نه شواى کړاى.

دغه څرګندونې د ننګرهار والي، امنيه قوماندان او د عامه نظم پوليسو قوماندان د يوې ګډې خبري غونډې پر مهال وکړې.

په ټول هېواد کې د غبرګولي په ٢٤مه، د سهار په اووه بجو د ولسمشرۍ د دويم پړاو ټاکنې پيل شوې ، چې د مازيګر په  څلورو بجو پاتى ته ورسېدې.

د ننګرهار والي مولوي عطاء الله لودين وويل ، چې  په دې ولايت کې د ټاکنو پروسه په ښه توګه ترسره شوه او امنيتي ځواکونو د خلکو لپاره کلک امنيتي تدابير نيولي وو.

هغه زياته کړه، چې د خلکو ونډه په دې ټاکنو کې د پام وړ وه، خو د ننګرهار امنيه قوماندن مل پاسوال فضل احمد شېرزاد وويل، چې د تېرو ټاکنو په پرتله د خلکو ونډه لږه وه.

شېرزاد زياته کړه، چې په دې ولايت کې شپږ کسان د درغلۍ په تور نيول شوي او اوس تر څېړنو لاندې دي.

نوموړي د خېوې او چپرهار ولسواليو د ستونزو په اړه ، چې ځينو زورواکو ديوه مشخص کانديد لپاره صندوقونه ډکول، وويل چې دوى هم په دې اړه معلومات ترلاسه کړي او که دا ادعاوې ثابت شوې، نو د هغوى سره به له قانون سره سم چلند وشي.

امنيه قوماندان وويل، چې په دې ولايت کې د رايو يواځې درې مرکزونه په خوګياڼو ولسوالۍ  کې تړل شوي وو.

تر دې مخکې ددې ولايت د ټاکنو خپلواک کمېسيون ويلي وو، چې  لس مرکزونه نه دي پرانيستل شوي.

د هغه په وينا، په دې ولايت کې د نا امنيو يو شمېر پېښې هم شوې دي، شپږ امنيتي کسان او ٩ ملکي وګړي ټپيان شوي دي.

شېرزاد د جلال اباد د پېښې په اړه وويل، چې څېړنې يې پيل کړې دي او عاملين به يې د قانون منګولو ته وسپاري.

Visits: 1

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.