اسعداباد (پژواک ٢٤ غبرګولى ٩٣): که څه هم د کونړ ولايت په ځينو سيمو کې د جګړو راپورونه ورکړل شوي، خو چارواکي وايي چې د ټاکنو بهير په سم ډول روان دى.
د ټول هېواد په څېر په کونړ ولايت کې هم نن (د غبرګولي ٢٤مه) سهار اوه بجې د ولسمشرۍ د دويم پړاو ټاکنې پيل شوې .
د ټاکنو له پيلېدو سره سم او تر هغه مخکې نن سهار د دغه ولايت له ځينو سيمو د ناامنيو راپورونه ورکړل شوي وو.
د رايو د پروسې له پيلېدو سره سم د کونړ پر مرکز اسعداباد ښار يو توغندى هم ولګېد، خو والي شجاع الملک جلاله پژواک اژانس ته وويل چې کوم زيان يې نه درلود.
هغه چې د راىې تر اچولو وروسته خبرې کولې زياته کړه، چې په ټول ولايت کې ټاکنې په نورمال حالت کې روانې دي.
د نوموړي په وينا، له ټولو ولسواليو يې راپور ترلاسه کړى چې امنيتي حالت سم دى او خلک په ډاډه زړه د رايو مرکزونو ته ورځي.
Visits: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن