ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

کندوز کې ١٥ وسلوالو ته مرګ ژوبله واوښته

کندوز کې ١٥ وسلوالو ته مرګ ژوبله واوښته

author avatar
8 Sep 2014 - 15:06
کندوز کې ١٥ وسلوالو ته مرګ ژوبله واوښته
author avatar
8 Sep 2014 - 15:06

کندوز (پژواک ١٧ وږى ٩٣): د کندوز امنيتي چارواکو، د دغه ولايت په چاردرې ولسوالۍ کې د يوه قوماندان په ګډون د لسو وسلوالو مخالفينو له وژل کېدو او پنځو نورو له ټپي کېدو خبر ورکړى دى.

د کندوز امنيه قوماندانۍ د مطبوعاتو مسوول سيدسرور حسيني، پژواک خبري اژانس ته وويل، چې وسلوالو مخالفينو ته دغه مرګ ژوبله نن سهار د وسلوالو مخالفينو په عملياتو کې اوښتې ده.

هغه زياته کړه، چې په وژل شوو کسانو کې د عبدالرحيم په نوم د طالبانو يو قوماندان او همدرانګه په ټپيانو کې هم د وسلوالو يو قوماندان ملا شاه ولي ځدراڼ شامل دي.

د حسيني په وينا، د عملياتو په سيمه کې د وسلوالو له لوري څلور ځاى پر ځاى شوي ماينونه يې هم کشف کړي، چې د ملي اردو او پوليسو د انجنيرۍ ټيم له لوري له منځه وړل شوي او عمليات تر اوسه پورې دوام لري.

د کندوز د ٢٠٩ شاهين قول اردو د دويمې لوا وياند جګړن غلام حضرت کريمي وويل، چې د طالبانو مړي د پېښې په سيمه کې پاتې او امنيتي ځواکونه د چاردرې ولسوالۍ په ځدراڼو، امان الله او سرک بالا کليو کې پر عملياتو بوخت دي او ياده ولسوالۍ به ژر تر ژره د وسلوالو له شتون پاکه کړي.   

کريمي وويل، چې د پېښې په ترڅ کې  يو دولتي سرتېرى هم وژل شوى دى.

خو د طالبانو وياند ذبيح الله مجاهد ادعا کړې، چې چاردرې په ولسوالۍ کې يې د ملي اردو شپږ ځانګړي سرتېري وژلي او څلور نور ټپيان کړي دي.

د ويلو ده، چې له تېرې يوې مياشتې راهيسې د چاردرې په ولسوالۍ کې جګړه روانه ده، چې له امله يې سلګونه کورنۍ کندوز ښار او د ياد ولايت نورو سيمو ته کډه شوې دي. 

Visits: 0

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.