کندهار (پژواک ٣١ وږى ٩٣): د ملي امنيت منسوبينو د کندهار په بېلابېلو سيمو کې د عملياتو پر مهال شپږ وسله وال مخالفين نيولي دي.
د کندهار ولايت له مطبوعاتي دفتر څخه په خپره شوې خبرپاڼه کې راغلي، چې نيول شوي کسان د کندهار ښار او ارغنداب ولسوالۍ اوسېدونکي دي، چې په خپلو سيمو کې يې د ورانکارۍ کړنې تر سره کولې.
سرچينه وايي، نيول شويو کسانو په خپلو جرمونو اعتراف کړى او ويلي يې دي، چې د دولت پر ضد په بېلابېو چاودنو او وسله والو بريدونو کې لاس لري.
په دې وروستيو کې د کندهار د ملي امنيت رياست د وسله والو مخالفينو د نيول کېدو هڅې چټکې کړې او تر دې وړاندې يې هم ګڼ شمېر کسان د وسله والو فعاليتونو په تړاو نيولي وو.
Visits: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن