ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ميدان وردګو کې د ۲۵ لوبډلو ترمنځ د والیبال سیالۍ پای ته ورسیدې

ميدان وردګو کې د ۲۵ لوبډلو ترمنځ د والیبال سیالۍ پای ته ورسیدې

author avatar
28 Oct 2014 - 18:00
ميدان وردګو کې د ۲۵ لوبډلو ترمنځ د والیبال سیالۍ پای ته ورسیدې
author avatar
28 Oct 2014 - 18:00

میدان ښار ( پژواک ۶ لړم ۹۳) : د ميدان وردګو په نرخ ولسوالۍ کې د ۲۵ لوبډلو ترمنځ پيل شوې د والیبال سیالۍ د ده حیات لوبډلې په بریا پای ته ورسیدې .

د میدان وردګو ولایت د بدنې روزنې امر عین الدین حقبین پژواک خبري اژانس ته وویل چې دغه سیالۍ درې ورځې وړاندې پیل شوې وې.

د ده په وينا، په دې سياليو کې د کانیزت،دادل سهاک،د ولسوالۍ منتخبې او ده حیات لوبډلې نیمه پای لوبو ته لاره پیدا کړه،چې د ولسوالۍ لوبډلې کانیزت او ده حیات لوبډلې دادل سهاک لوبډلې ته په ماتې ورکولو سره د دغو سیالیو پای لوبې ته لاره پیدا کړه.

د ده د معلوماتو له مخې، د یادو سیالیو په پای لوبه کې،چې نن د نرخ ولسوالۍ مقام ته څېرمه ترسره شوه،ده حیات لوبډلې وکولای شول،چې د ولسوالۍ منتخبې لوبډلې ته دوه ديو پر وړاندې ماتې ورکړي او د دغو سیالیو پای لوبه وګټي .

هغه وویل چې نن د نرخ ولسوال محمد حنیف حنیفي له خوا برياليو لوبغاړو ته کپونه،مډالونه او نورې ډالۍ ورکړل شوې.

ولسوال له ځوانانو وغوښتل،چې د دا ډول سیالیو په ترسره کولو سره په سیمه کې د هغو کسانو مخه ونیسي،چې ورانکارې کړنې کوي او د ځوانانو د پوهنې،لوبو او نورو پرمختګونو د مخنیوي لامل ګرځي .

Visits: 0

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.