کابل (پژواک ٢۲کب ٩٣):د افغانستان د ١٥کلنو د فوټبال لوبډله د اسيايي هېوادونو په سياليو چې د چاپان په کوربه توب پيليږي ګدون کوي .
په هغه خبرپاڼه کې چې د افغانستان د فوټبال د فدراسيون له لوري خپره شوې راغلي ، چې دغه سيالۍ د مرکزي اسيا د حوزې په چوکاټ کې پيليږي .
دغه سيالۍ چې د چاپان د فوټبال د فدراسيون له خوا په ياد هېواد کې پيليږي د مرکزي اسيا لس لوبډلې او د جاپان څو لوبډلې به په کې برخه واخلي .
په ياده خبرپاڼه کې راغلي چې په دې لوبه کې به د افغانستان لوبډله په دويم ګروپ کې د ايران ، ازبکستان ، جاپان او د تيم کيوتا سانګای له لوبډلو سره لوبه وکړي.
په لومړۍ لوبډله کې به د تاجکستان ،توکيو ، قرغيزستان، ترکمنستان او د جاپان اکاډمۍ د فوټبال لوبډلو ترمنځ سيالي تر سره شي .
ټاکل شوې چې يادې سيالۍ د وروي د مياشتې په درېيمه تر سره شي .
د مرکزي اسيا د فوټبال حوزه (CAFA) د افغانستان او ايران د فوټبال د فدراسيونونو په غوښتنه تېره مياشت رامنځته شوه .
Visits: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن