ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

اشرف غني او عبدالله نوماند وزيرانو ته د باور رايې له ورکړې هرکلى وکړ

اشرف غني او عبدالله نوماند وزيرانو ته د باور رايې له ورکړې هرکلى وکړ

author avatar
18 Apr 2015 - 20:46
اشرف غني او عبدالله نوماند وزيرانو ته د باور رايې له ورکړې هرکلى وکړ
author avatar
18 Apr 2015 - 20:46

کابل (پژواک ٢٩ ورى ٩٤): د ملي يووالي حکومت ولسمشر او اجرايه مشر، د ولسي جرګې له لوري د حکومت ١٦ وزيرانو ته د باور رايې له ورکولو هرکلى کړى دى.

د ولسمشرۍ رياست له لوري پژواک خبري اژانس ته په رالېږل شوې خبرپاڼه کې ويل شوي، چې ولسمشر نن د خلکو د استازو له پرېکړې څخه د هرکلي ترڅنګ نويو وزيرانو ته افغانانو ته د خدمت په کولو کې د برياليتوب غوښتنه کړې ده.

پر دې سربېره اجرايه رياست هم د عبدالله عبدالله له قوله په خپله خبرپاڼه کې ويلي، چې نوموړى د جرګې پر دغې پرېکړې د خوشالۍ ترڅنګ يادو نوماند وزيرانو ته د هېواد د سياسي او امنيتي ثبات لپاره د باور رايې ورکړه، ډېره مهمه بولي او ستاينه ترې کوي.

د استازو د رايو پر بنسټ، همايون رسا د سوداګرۍ او صنايعو وزير په توګه، فريده مومند لوړو زده کړو د وزيرې، اسدالله حنيف بلخي د پوهنې وزير، اسدالله ضمير او کرنې او مالدارۍ، عبدالباري جهاني د اطلاعاتو او فرهنګ، علي احمد عثماني د اوبو او برېښنا، سيد سعادت منصور نادري د ښار جوړونې او مسکن، نسرين اورياخېل د کار، ټولنيزو چارو، شهيدانو او معلولينو د وزيرې په توګه ټاکل شوي دي.

دغه راز د دوى د رايو په پايله کې، دلبر نظري د ښځو چارو وزيرې، محمدالله بتاش د ټرانسپورټ او هوايي چلند، عبدالستار مراد د اقتصاد، عبدالبصير انور د عدليې، عبدالرازق وحيدي د مخابراتو او معلوماتي ټکنالوجۍ، محمود بليغ د عامه ګټو، سلامت عظيمي د نشه يي توکو پر وړاندې د مبارزې او محمد ګلاب منګل د سرحداتو او قبايلو چارو د وزيرانو په توګه ټاکل شوي دي.

د يادو ١٦ وزيرانو له منل کېدو وروسته د حکومت د کابينې ٢٥ غړي د اوو مياشتو په تېرېدو سره بشپړ شول او اوسمهال د ملي دفاع وزارت د سرپرست له لوري پر مخ وړل کېږي او دغه شان يو شمېر نورې مهمې ادارې لکه لويه څارنوالي، قضايه قوه او مرکزي بانک هم د سرپرستانو له لوري پر مخ وړل کېږي.

عبدالله عبدالله يادې موضوع ته په اشارې سره ويلي، چې حکومت له خلکو سره په خپلو کړو ژمنو د وخت په تېرېدو سره په ترتيبي ډول عمل کوي او ډېر ژر به د ملي دفاع نوماند وزير او دغه راز د يادو ادارو لپاره نوماندان هم وټاکل شي.

د اجرايي مشر په وينا، له هغه وروسته به واليان هم وټاکل شي او د دغه پړاو په بشپړېدو سره به حکومت بشپړ شي او په خپلو اړونده دندو کې به کارونه تر سره کړي.

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.