ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ولسمشر غني: ټاکنيزو اصلاحاتو ته ژمن يو

ولسمشر غني: ټاکنيزو اصلاحاتو ته ژمن يو

author avatar
30 Apr 2015 - 10:29
ولسمشر غني: ټاکنيزو اصلاحاتو ته ژمن يو
author avatar
30 Apr 2015 - 10:29

کابل (پژواک، ١٠ غويى ٩٤): ولسمشرغني د هند کانګرېس ګوند له مشرې سره په خبرو کې ويلي چې د افغانستان دولت د رڼو ټاکنو ترسره کولو لپاره په ټاکنيزو کمېسیونونو کې د اصلاحاتو راوستو ته ژمن دی.

دا په داسې حال کې ده چې تېره ورځ د افغانستان لپاره د ملګرو ملتونو استازي، د اروپايي ټولنې سفير او د امريکا او برېتانيا شارژدافيرانو د حکومت له اجرايي رييس عبدالله عبدالله سره په کتنه کې د افغانستان په ټاکنيز نظام کې پر اصلاحاتو ټينګار کړى او په دې برخه کې له افغانستان سره مرستې يې له ټاکنيزو اصلاحاتو سره تړلې بللې دي.

د ټاکنيز نظام اصلاح د افغانستان د نوي حکومت د مشرانو تر منځ د هوکړې يوه برخه ده او اوس هم  ولسمشر محمداشرف غني او د حکومت اجرايي رييس عبدالله عبدالله وايي چې تاکنيزو اصلاحاتو ته ژمن دي.

د ولسمشر د وياند دفتر د معلوماتو له مخې، ولسمشر غني تېره ورځ په هند کې د دغه هېواد د کانګرېس ګوند له مشرې مېرمن سونیا ګاندي سره د کتنې پر مهال له افغانستان سره د هند له مرستو د مننې تر څنګ ويلي چې ديموکراسي د اتباعو د حقونو د پیاوړتیا لامل کېږي او د ديموکراسۍ پر بنسټېزه کېدو سره خلک کولاى شي خپلو غوښتنو ته و رسېږي.

هغه ويلي: "د افغانستان دولت په انتخاباتي کمېسیونونو کې د اصلاحاتو راوستو ته ژمن دی او غواړو په دې ډاډه شو چې زموږ د اتباعو هره رایه په سمه توګه شمېرل کېږي او په ورته وخت کې باید د انتخاباتو لګښتونه هم را کم شي."

دغه راز ده په دې کتنه کې دا هم ويلي چې د افغانستان امنیتي ځواکونه د خپلې خاورې د دښمنانو د هر ډول بریدونو د ځوابولو او شنډولو ځواک لري.

غني نړیوال تروریزم نه یواځې افغانستان، بلکې سیمې ته هم ګواښ بللى، ويلي يې دي چې د ترهګرو موخه د خلکو په زړونو کې د ویرې او ډار اچول دي خو د افغانستان خلک به هېڅکله هم تروریزم او ترهګرو ته تسلیم نه شي.

ولسمشر ويلي چې اوس د تروریزم بڼې بدلون موندلی او دې ته اړتیا ده چې د سیمې په کچه یې پرخلاف جدي مبارزه وشي.

د خبرپاڼې له مخې، په دې کتنه کې دواړو لورو د افغانستان او هند ترمنځ په بېلابېلو برخو کې د همکاریو د پراختیا په اړه هم خبرې کړې دي.

د یادونې ده، ولسمشر غني او ملګری پلاوی یې هند ته له درى ورځني رسمي سفر وروسته تېره شپه هېواد ته راستون شوى دى.

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.