ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

امريکا د جګړې له افغان قربانيانو سره ٣٠ ميليونه ډالر مرسته کوي

امريکا د جګړې له افغان قربانيانو سره ٣٠ ميليونه ډالر مرسته کوي

author avatar
5 May 2015 - 16:18
امريکا د جګړې له افغان قربانيانو سره ٣٠ ميليونه ډالر مرسته کوي
author avatar
5 May 2015 - 16:18

کابل (پژواک، ١٥ غويى ٩٤): د امريکا د متحدو ايالاتونو نړيوالې پراختيايي ادارې په افغانستان کې د جګړې د قربانيانو لپاره د ځانګړو او بېړنيو مرستو د چمتو کولو په موخه خپله ٣٠ ميليون ډالري مرسته اعلان کړه.

دغه مطلب د يادې ادارې په مطبوعاتي خبرپاڼه کې چې د شنبې په ورځ پژواک خبري اژانس ته رالېږل شوې، راغلى دى.

په خبرپاڼه کې راغلي: "د افغانانو لپاره د ملکي مرستو پروګرام (ACAP ) درېيم پړاو چې د درېيو کلونو لپاره دى، د هغو ملکيانو لپاره چې د جګړو د پاتې شونو او ترهګرو د فعاليتونو په پايله کې ورته زيان او مرګ ژوبله اوښتې، بشري مرستې چمتو کوي. دغه مرستې د ماينونو او ناچاودو مهماتو له امله د رامنځته شوو او ورته پېښو له قربانيانو سره هم کېږي."

سرچينې ليکلي چې دغه پروګرام به په افغانستان کې د ماين پاکونې د همغږۍ له مرکز سره په مرسته د ملګرو ملتونو د ماين پاکولو د خدمتونو دفتر له لوري ترسره شي.

دغه راز په خبرپاڼه کې راغلي چې د کار، ټولنيزو چارو، شهيدانو او معلولينو وزارت او يوه غير دولتي اداره هم له قربانيانو سره د مرستو په چمتو کولو کې ونډه ولري.

سرچيني ليکلي چې د قربانيانو اړتياوو ته د لاسرسي په موخه د بېړنيو طبي مرستو د چمتو کولو او دغه راز د حکومتي ادارو د کارکوونکو روزنه چې د جګړې له قربانيانو سره د مرستو مسووليت پر غاړه لري، د دغه پروګرام له اصلي موخو څخه بلل کېږي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.