مهترلام (پژواک، ۱۱ وږی ٩٤): چارواکي وايي چې په لغمان ولايت کې د يوې ترافيکي پېښې له امله اته کسان ټپيان شوي دي.
د لغمان د مرکز مهترلارم ښار يوه اوسېدونکي دادالله د وږي په ١١مه پژواک خبري اژانس ته وويل چې دا پېښه نن له غرمې وروسته د ولايت د مرکز د عصمت په څلورلاري کې رامنځته شوه.
هغه زياته کړه چې په ياده سيمه کې يو ټوډي کرولا موټر د ډېر سرعت له امله له سړکه ووت او پر خلکو وخوت.
د نوموړي په خبره چې په دې پېښه کې يو شمېر کسان ټپيان شوي دي.
د لغمان د ملکي روغتون رييس ډاکتر عطاءالله نيازي پژواک اژانس ته وويل چې دوى ته اته ټپيان ور وړل شوي چې درى په کې ماشومان دي.
نوموړي د ټپيانو روغتيايي حالت د ډاډ وړ وباله .
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن