کابل ( پژواک، د تلې لومړۍ نېټه، ٩٤ ) د ناټو د روزنې ماموريت وايي چې په افغانستان کې يې يو سرتېرى د وسلوالو مخالفينو په بريد کې وژل شوى دى.
په کابل کې د ناټو د غوڅ ملاتړ په نامه د روزنې ماموريت لخوا د تلې په لومړۍ نېټه، پژواک خبري اژانس ته په يوه رالېـږل شوې خبرپاڼه کې راغلي دي چې دا سرتېرري پرون پر بګرام پوځي اډې د وسلوالو مخالفينو په يوه بريد کې وژل شوى دى.
که څه هم سرچينې د وژل شوي سرتېري هويت نه دى په ډاګه کړى، خو بايد وويل شي چې په بګرام کې ډېرى امريکايي سرتېري مېشت دي.
طالبانو ويلي، چې تېره شپه يې د بګرام پر هوايي ډګر توغندويي بريد کړى، چې په پايله کې يې بهرنيو سرتېرو ته مرګ ژوبله اوښتې، خو نور معلومات يې نه دي ورکړي.
د يادونې وړ ده دوه ورځې مخکې هم د ناټو يو سرتېرى په غير نظامي پېښه کې خپل ژوند له لاسه ورکړى و.
دغه سرتېري وژل کېدو سره په روان زېږديز کال کې د وژل شويو بهرنيو سرتېرو شمېره ٩ تنو ته ورسېده، چې اته يې امريکايي دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن