ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

امريکا ومنله چې په افغانستان کې يې اېف ١٦ الوتکه وېشتل شوې

امريکا ومنله چې په افغانستان کې يې اېف ١٦ الوتکه وېشتل شوې

author avatar
20 Oct 2015 - 13:26
امريکا ومنله چې په افغانستان کې يې اېف ١٦ الوتکه وېشتل شوې
author avatar
20 Oct 2015 - 13:26

واشنګټن (پژواک، ٢٨ تله ٩٤): د امريکا د دفاع وزارت ومنله چې په افغانستان کې يې يوه جنګي اېف ١٦ الوتکه د وسله والوطالبانو له خوا وېشتل شوې ده.

په واشنګټن کې د امريکا  د دفاع وزارت (پنټاګان) له خوا په يوه خپره شوې خبرپاڼه کې راغلي چې دا پېښه د روان لمريز کال د تلې په ٢١مه د افغانستان په پکتيا ولايت کې رامنځته شوې وه.

سرچينې زياته کړې چې د وسله والو مخالفينو له خوا پر يادې الوتکې ډزې شوې وې چې له امله يې دوه مرمۍ پر الوتکه لګېدلې وې او يوه برخه يې زيانمنه شوې وه.

د امريکا د دفاع وزارت ويلي چې په دې پېښه کې پيلوټ ته زيان نه  دى اوښتى او په برياليتوب سره يې خپله الوتکه د بګرام پوځي اډې ته رسولې وه.

سرچينې ويلي چې ځواکونو يې د دې الوتکې د بېرته ترميمولو چارې پيل کړې دي.

د يادونې ده چې د تلې په ٢١مه د پکتيا ولايت د سيد کرم ولسوالۍ اوسېدونکي ويلي وو چې په سيمه کې يې يوه الوتکه غورځېدلې ده.

خو هغه مهال په کابل کې د امريکايي ځواکونو مطبوعاتي دفتر پژواک ته ياده پېښه نه وه تاييد کړې.

بلخوا وسله والو طالبانو د يادې الوتکې د يوې برخې او د پرزو عکسونه هم په ټولنيزو شبکو کې خپاره کړي وو.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.