د هند پوليس افغانانو ته ستونزې جوړوي

ډيلى (پژواک، ۲۱ لړم ۹۴): په هندوستان کې يو شمېر افغانان د پوليسو د راجستر له پروسې شکايت کوي او وايي چې اړوند مسوولين ورسره ښه چلند نه کوي.

افغانان هند ته تر رسېدو وروسته  اړ دي چې ځانونه د پولیسو له ټاکل شوي دفتر سره د بهرنيو اتباعو له دفتر سره ثبت کړي او په اسنادو کې  ورته  ثابته کړي چې دوی چېرته  شپې او ورځې تېروي.

ازاد خبریال میرویس جلالزی څه موده وړاندې هندوستان ته تللی دى.

هغه په دې اړه پژواک خبري اژانس ته وويل: ((یواځېنی هېواد هندوستان  دی چې حکومت او عام خلک ورته د نږدې ملګري هېواد په سترګه ګوري خو بیا هم دلته  له داسې چلند سره مخ کېږي چې د زغملو نه دی.))

ده وويل چې يو شمېر افغانان د سياحت لپاره هند ته ورځي خو د ښځو او ماشومانو په ګډون بيا ډېرې کسان د درملنې لپاره هند ته ځي.

هغه وايي چې په دې پروسه کې د روغو کسانو تر څنګ ناروغان هم ځورول کېږي.

هغه نيوکه وکړه چې په هند کې د افغان سفارت چارواکي پر دې ستونزه خبر دي خو د حل لپاره يې هېڅ ډول اقدام نه کوي.

جلالزي زياته کړه: ((پاکستان موږ ټول  د مخالف هېواد په نوم پېژنو خو دومره ستونزې هغوى نه جوړوي څومره چې د هند پوليس  يې جوړوي.))

د ننګرهار اوسېدونکي عبيدالله هم وايي چې هندوستان د راجستر په پروسه کې ډېرې ستونزې پيدا کړې دي.

login or register a new account.