ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د نيمروز د ارشاد، حج او اوقافو پخوانى رییس وژل شوی

د نيمروز د ارشاد، حج او اوقافو پخوانى رییس وژل شوی

author avatar
29 Nov 2015 - 09:49
د نيمروز د ارشاد، حج او اوقافو پخوانى رییس وژل شوی
author avatar
29 Nov 2015 - 09:49

زرنج (پژواک، ۸ ليندۍ ٩٤): د نيمروز ولايت د حج او اقافو پخوانى مشر سيد نذيراحمد سادات د وسله والو کسانو له خوا وژل شوی دی.

د نيمروز مرستيال امنيه قوماندان سمونيار محمدغوث وايي چې تېره شپه دوو موټرسايکل سپرو د ارشاد، حج او اوقافو پخوانى مشر د زرنج ښار په لومړۍ ناحيه کې د خپل کور مخې ته په ډزو وژلى دى.

هغه پژواک خبري اژانس ته وويل چې پوليسو د بريدګرو د لټون هڅه کړې او د هغوى موټرسايکل يې ترلاسه کړى، خو خپله له سيمې تښتېدلي دي.

دغه پوليس چارواکي زياته کړه چې په دې اړه څېړنې روانې دي او زيات احتمال لري چې سادات د وسله والو مخالفينو له خوا وژل شوى دى.

وسله والو مخالفينو د سادات دوژنې مسووليت پر غاړه اخيستى دى.

د نيمروز مرستيال والي محمدقاسم خدري وايي چې سادات دری کاله وړاندې د نيمروز د ارشاد، حج او اوقافو د مشر په توګه دنده اجرا کوله او له هغه وروسته يې دولتي دنده نه درلوده.

د ويلو ده چې دوه کاله وړاندې د استيناف ښاري محکمې د دېوان مشر مولوي محمد سرور هم په همدې سيمه کې ووژل شو او يو کال وړاندې پياوړى ديني عالم او د خاشرود ولسوالۍ د احياء العلوم ديني مدرسې مدرس مولوي عبدالرحيم فکور هم د وسله والو له خوا وژل شوى و.

 

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.