کابل (پژواک ٤ مرغومى ٩٤): وسله وال طالبان وايي، چې د داعش پر ضد د دوى او روسانو ترمنځ خبرې حقيقت نه لري.
د افغانستان لپاره د روسيې ځانګړي استازي ضمير کابلوف دوه ورځې وړاندې رسنيو ته له زياتو جزئياتو ورکولو پرته ويلي و، چې دوى د داعش وسله والې ډلې پر ضد د ګـډې جګړې او مبارزې لپاره له افغان طالبانو سره اړيکې نيولې دي.
خو د دې ډلې يوه وياند ذبيح الله مجاهد، پژواک خبري اژانس ته په رالېږل شوې خبرپاڼه کې ويلي، د داعش په ضد دوى د هېچا همکارۍ ته اړتيا نه لري او نه يې هم له چا سره په دې اړيه اړيکه نيولې او نه يې خبرې کړې دي.
خو دى وايي، دوى د امريکا پر ضد جګړې لپاره د سيمې له ګڼو هېوادونو سره تماسونه نيولي او نيسي يې، چې دا يې خپل حق دى.
مجاهد زياتوي: "په افغانستان کې د داعش له نامه څخه ځیني کسان ناوړه استفاده کوي او کورني او بهرني استخبارات یې د خپلو شومو اهدافو لپاره تایید او مرسته کوي."
د هغه په وينا، طالبانو تر ډېره حده د داعش ګواښ له منځه وړى او اوسمهال يواځې د يوه ولايت په يوه څنډه کې پاتې دي، چې دا د تشويش وړ نه دى.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن