کابل(پژواک، ٢٠ مرغومى ٩٤): په دولتي شرکتونو د بغلان بورې، هلمند ودانيزې، سپين غر ودانيزې او امنيتي تصديو د حقوقي شخصيت بدلون د مشرانو جرګې لخوا تصويب شو.
د مشرانو جرګې د مالي، بوديجوي او ملي اقتصاد کمېسيون مشرې په دې اړه د ولسي جرګې مصوبه نن د مشرانو جرګې عمومي غونډې ته وړاندې کړه.
هغه زياته کړه چې شرکت ته ددې څلورو يادو شوو تصديو د حقوقي شخصيت د بدلون طرحه په ١٣٩٢ لمريز کال کې د وزيرانو شورا او شاوخوا يوه مياشت وړاندې د ولسي جرګې لخوا تصويب شوې ده.
هغه زياته کړه چې تصدۍ د ماليې وزارت تر اثر لاندې فعاليت کوي، خو که چېرته يې حقوقي شخصيت شرکت ته بدلون وکړي، نو خصوصي سکتور هم په کې ونډه اخيستلى شي.
هغه وويل چې شرکت مديره پلاوى او عامل پلاوى لري او په اړوندو چاروکي خپلواک دى، خو دولت ته به ځواب وايي.
د هغه په خبره، شرکت ته د تصدۍ د شخصيت بدلون سره تمويل کوونکي او بېلابېلې ادارې حاضرېږي چې په دې برخه کې پانګونه وکړي، ځکه چې د شرکت په چوکاټ کې ددې کار لپاره زمينه مساعده کېږي.
هغه وويل چې د ولسي جرګې د مصوبې له مخې، د امنيتي تصدۍ حقوقي شخصيت د دولتي عامه ساتنې پر امنيتي شرکت او درې نورې تصدۍ هم دولتي شرکت ته بدلون مومي.
بلاخره په شرکتونو د يادو تصديو د حقوقي شخصيت بدلون د مشرانو جرګې د رايو په اتفاق سره تاييد شو.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن