اسعد اباد(پژواک،۲۵مرغومی۹۴): د کونړ ولايت په اسمار ولسوالۍ کې د هاوان د يوې ناچاودې مرمۍ د چاودنې له امله څلور ماشومان وژل شوي دي .
د کونړ امنيه قوماندان مل پاسوال عبدالحبيب سيد خېل وايى چې تېر ماښام د کونړ ولايت د اسمار ولسوالۍ په شنګر سيمه کې د هاوان د يوې ناچاودې مرمۍ د چاودنې له امله څلور ماشومان وژل شوي دي .
نوموړی زياتوي چې د هاوان ياده مرمۍ ماشومانو موندلې او په لاسونوکې يې راخستې وه چې بيا پرې چاودېدلې او دغه ماشوم يې وژلي دي.
قوماندان زياته کړ، په وژل شوو ماشومانوکې چې عمرونه يې له ۸ تر ۱۴ کلونو پورې و ، درې په کې وروڼه او څلورم يې د کاکا زوی دی.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن