کابل (پژواک ١٢ سلواغه ٩٤): د افغانستان کرکټ بورډ په کوربه توب په هند کې د افغانستان الف او زمبابوې الف لوبډلو ترمنځ دوهمه یوه ورځینۍ سیالي هم د افغان الف لوبډلې په بریا سره پای ته ورسېده.
د افغانستان کرکټ بورډ وياند فريد هوتک د سلواغې په ١٢مه، پژواک خبري اژانس ته وويل چې د نننۍ لوبې پچه د افغان الف لوبډلې لوبډلمشر وګټله او سیالې لوبډلې ته یې د توپوهنې بلنه ورکړه.
ده زياته کړه، د زمبابوې الف لوبډلې د سیالۍ په شپږڅلوېښتم اور کې د ټولو لوبغاړو په سوځېدو سره افغان الف لوبډلې ته د ۲۱۵ منډو هدف ورکړ.
د هغه په وينا، د افغان توپ اچوونکو له لوري عبدالله عادل ۴ او جاوېد احمدي ۳ لوبغاړي وسوځول.
هوتک وايي، ملي الف لوبډلې ورکړل شوی هدف د سیالۍ په څلورڅلوېښتم اور کې د ۵ لوبغاړو په سوځېدو سره بشپړ کړ، چې له ډلې یې نجیب ترکي ۱۲۶ ناسوځېدلي او عمران جنت ۴۳ منډې جوړې کړې.
نجیب ترکی د سیالۍ غوره لوبغاړی ټاکل شوى دى.
تردې وړاندې د دې دواړو لوبډلو ترمنځ لوبه هم افغانستان ګټلې وه.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن